قاجىنى ليمۋزينمەن كۇتكەن تۋىسىنا ايىپپۇل سالىندى

استانا. قازاقپارات - جەرگىلىكتى ب ا ق مالەمەتتەرىنە سۇيەنسەك، بيىلعى قاجىلىقتان ورالعان تاجىكستاندىق ازاماتتى اۋەجايدان ليمۋزينمەن كۇتىپ العان تۋىسىنا ايىپپۇل سالىنعان.

«قاجىنىڭ تۋىستارىنىڭ بۇل ارەكەتى سالت-ءداستۇر تۋرالى زاڭعا قايشى كەلەدى.

جانە دە وسىنداي مۇمكىنشىلىكتەرى جوق ادامدارعا كەرى اسەرىن تيگىزەدى» دەلىنگەن تاجىكستان ۇكىمەتى ءدىن ىستەرى كوميتەتى مالىمدەمەسىندە.

ال، كەلگەن قاجى مەن ونى كۇتىپ العان تۋىسىنىڭ اتى-ءجونى، سالىنعان ايىپپۇل كولەمى قۇپيا بولۋدا. قازىرگى ۋاقىتتا رەسپۋبليكا اۋەجايلارىندا قاسيەتتى شاھاردان قاجىلىق جاساپ ورالعان ازاماتتاردىڭ كەلۋىنە وراي كۇتىپ الۋشىلاردىڭ ارەكەتتەرىن باقىلاۋ ماقساتىندا ارنايى كوميسسيا جۇمىس جۇرگىزۋدە.

جوعارىدا كورسەتىلگەندەي، زاڭعا قايشى شارالار ورىن العان جاعدايدا قاجىنى كۇتىپ الۋشىلارعا زاڭمەن ايىپپۇل تاعايىندالادى.

ەستەرىڭىزگە سالا كەتسەك، تاجىك ەلىندە 2007 - جىلى «سالت-داستۇرلەر مەن شارالار تۋرالى» زاڭ قابىلدانعان ەدى. قۇزىرەتتى ورىنداردىڭ ايتۋىنشا، اتالمىش زاڭ ەلدەگى كەدەيلىكتىڭ الدىن الۋ مەن ىسىراپقا جول بەرمەۋ ماقساتىندا ەنگىزىلىپ وتىر.

ummet.kz-اقپارات