الماتى تۇرعىنى نومەرىنە سوۆەت وداعىنىڭ ەلتاڭباسىن «جابىستىرىپ» العان
الماتى تۇرعىنى نومەرىنە ك س ر و-نىڭ ەلتاڭباسىن بۇل تۋرالى الاش ايناسى حابارلايدى.
"كوشەدە كەلە جاتىپ، اپپاق "لەكسۋس" اۆتوكولىگىنىڭ نومىرىنە كوزىم ءتۇسىپ كەتتى.
انىقتاپ قاراسام، "س س س ر" دەگەن جازۋ مەن ك س ر و-نىڭ ەلتاڭباسى تۇر.
قازاق ەلىندە ءجۇرىپ، مەملەكەتتىلىگىنە پىسقىرماعان ازاماتتىڭ ماشيناسىنىڭ مەملەكەتتىك ءنومىرىنىڭ ءوزى «A 301 CCP» ەكەن. مۇنداي جايتتارعا قاشان شەكتەۋ قويىلار ەكەن"، - دەيدى الماتى قالاسىنىڭ تۇرعىنى.
كۋاگەردىڭ ايتۋىنشا، ك س ر و ءداۋىرىن اڭساعان اتالمىش كولىك الماتى قالاسىنداعى پۋشكين مەن گوگول كوشەلەرىنىڭ قيىلىسىندا تۇرعان كورىنەدى.
الماتى قالاسىنىڭ بۇل تۇسى كەڭەستەر كەزەڭىن ەرىكسىز ەسكە تۇسىرەدى. مىسالى، كوك بازاردىڭ اينالاسىندا كەڭەستىك ءداۋىردىڭ ەسكى-قۇسقى زاتتارىن ساتاتىن شال-كەمپىرلەر جەتەرلىك. اسكەري كيىم كيگەن ازاماتتار دا كوزگە تۇسەدى. (وفيتسەرلەر ءۇيى دە بۇل ماڭنان الىس ەمەس).
سونداي-اق، بۇل جەردە 28 پانفيلوۆشىلار پاركى ورنالاسقانى بەلگىلى. سول پاركتەگى 28 پانفيلوۆشىلارعا ارنالعان مەموريالدى ەسكەرتكىشتە "ۆەليكا روسسيا، ا وتستۋپات نەكۋدا، پوزادي موسكۆا. پوليتۋرگ ۆ. كلوچكوۆ" دەگەن جازۋ تۇرعانىن دا كوزى قاراقتى وقىرمان جاقسى بىلەدى.
