گ. گولوۆكين قازاقستاننان كەتۋى مۇمكىن بە؟
بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە قاراعاندى وبلىسىنىڭ اكىمى نۇرمۇحامبەت ابدىبەكوۆ وسىلاي ءمالىم ەتتى.
اكىم ءوز سوزىندە داڭقتى بوكسشىمەن بىرنەشە مارتە تىلدەسكەنىن جانە ونىڭ ەلدەن جىراققا كەتۋ ويىندا دا جوق ەكەندىگىن باسا ايتتى.
«مەنىڭ بىلۋىمشە، گ. گولوۆكين ەلدەن كەتپەك ەمەس. ءتىپتى، ول ويىندا دا جوق. تاياۋدا عانا ودان «ءسىز رەسەيدىڭ اتىنان ونەر كورسەتۋگە كەلىسەسىز بە؟»، دەپ سۇراعان بولاتىن. سوندا ول: «مەن قازاقستاندا دۇنيەگە كەلدىم، انام سول ەلدە تۇرىپ جاتىر. مەن ءوزىمدى قازاقپىن دەپ سانايمىن»، دەپ جاۋاپ بەرگەن ەدى. بۇدان بولەك قازاقستان حالقى اسسامبلەياسىندا گولوۆكين: «اكەم - ورىس، شەشەم - كارىس، ال مەن قازاقپىن»، دەپ اعىنان جارىلعانى ەستە. مەنىڭشە دە ول ەشقايدا كەتپەيدى»، - دەدى اكىم.
اۆتور: مارلان جيەمباي
