تاسماعامبەتوۆتى قورعانىس سالاسىندا نە كۇتىپ تۇر؟
وسىعان وراي « الاش ايناسى» باسىلىمى « يمانعالي تاسماعانبەتوۆتى قورعانىس سالاسىندا نە كۇتىپ تۇر؟ » دەگەن ساۋالعا جاۋاپ ىزدەپ كورگەن ەدى.
ءازىمباي عالي، ساياساتتانۋشى:
- مەن جالپى ءوز باسىم يمانعاليدى سۇيكىمدى ساياساتكەر رەتىندە باعالايمىن. ونى بۇقارا جاقسى باسشى، شەبەر ۇيىمداستىرۋشى رەتىندە تانيدى. ول قاي جەرگە بارسا دا ءوزىنىڭ ۇقىپتىلىعى مەن ىسكەرلىگىنىڭ ارقاسىندا كوزگە تۇسەدى. قازىر ۋكرايناداعى جاعداي شيەلەنىسىپ كەتتى. اسكەري سالاداعى بىلىق- شىلىق تا از ەمەس. سەبەبى، اسكەري سفەرادا باسقا سفەرادان قاراعاندا ۇرلىق جاساۋ، جەمقورلىققا اۋىز بىلعاۋ وتە وڭاي. سوندىقتان دا، بۇل باعىتتا قازىر جاعداي تىم ۋشىعىپ كەتتى.
جالپى، قاي ەل بولماسىن كۇشپەن، كۇشتىمەن ساناسادى. يمانعالي اسكەري قۋاتتى قالپىنا كەلتىرۋ، كۇشىن ارتتىرۋ ماسەلەسىن قولعا الادى دەپ ويلايمىن. ءبىر قىزىعى، ول بۇعان دەيىن بۇل سالادا قىزمەت ەتكەن جوق. پرەزيدەنتتىڭ ءوزى وسى سالادا يمانعالي تاسماعانبەتوۆتىڭ قارىمىن بايقاپ كورمەك بولعان سياقتى. بۇل تاسماعانبەتوۆكە قىزمەتتىك كارەراسىنا وتە ماڭىزدى باسپالداق دەپ ويلايمىن. سول ءۇشىن دە بۇل باعىتتا يمانعالي ابىرويىن ساقتاپ قالۋى ءتيىس. تىڭ رەفورمالار جاساۋى كەرەك. . .
ماقسات جاقاۋ، « اق جول» ق د پ ءتوراعا كەڭەسشىسى، ساياساتتانۋشى:
- ءاربىر تابيعي قۇبىلىس مەرزىمدىك ناۋقانىمەن قاتار جۇرەدى. الايدا اۋا- رايى كوبىنە سىرتقى الەمدىك كاتاكليزمدىك ىقپالداردىڭ اسەرىمەن كۇتپەگەن كەزدە وزگەرەتىنى بەلگىلى. بۇگىنگى ەلدىڭ ىشكى ساياساتىنداعى اۋىس- تۇيىستەر ىشكى فاكتورلاردان گورى سىرتقى ۆەكتورلىق ىقپالداردىڭ ىقپالىنان بولىپ جاتقان سەكىلدى. رەسەيدەگى احۋال، ۋكرايناداعى ۇلتارالىق ماسەلەنىڭ قارۋلى قاقتىعىستارعا ۇلاسۋى، الەم ساياسي كۇشتەرىنىڭ ءبىر- بىرلەرىنە سالعان سانكسيالارى تالاي ەلدى ساستىرىپ تاستادى. ساياسي احۋالدار وسىلاي ۋشىعىپ تۇرا بەرسە، ەۋرازيالىق ەكونوميكالىق قاۋىمداستىققا كىرەتىندىكتەن بىزگە دە وڭاي بولمايدى. مۇنداي ساتتە ۇلتتىق قاۋىپسىزدىك ماسەلەسىنە باسا نازار اۋدارۋعا ءتيىسپىز. ەلباسى سوڭعى كەزدەرى وسى باعىتتى، ياعني قارۋلى قۇرىلىمداردىڭ قىزمەتتەرىن كۇشەيتۋدى كوپ ايتىپ ءجۇر. يمانعالي تاسماعامبەتوۆتىڭ قورعانىس كۇشتەرىنە باسشى بولىپ بارۋى دا سوندىقتان دەپ ويلايمىن.
بىرىنشىدەن، اياق استى كريزيستىك تالاپتار تۋىنداي قالسا، ۆەدومستۆا ساقاداي ساي بولۋى كەرەك.
ەكىنشىدەن، ەل بيۋدجەتىنەن قوماقتى قارجى بولىنەتىن مينيسترلىكتەگى جەمقورلىق تيىلماي تۇر.
ۇشىنشىدەن، وسى مينيسترلىكتەگى كادرلىق- اكىمشىلىك جۇيەدەن باستاپ، بارلىعى وزگەرە باستايدى. جاڭا مينيستر ءتىرى كەتىپ، مۇردەسى قايتاتىن جاس جاۋىنگەرلەردىڭ سانىن ازايتۋعا ءتيىس (مۇنداي فاكتىلەر كوپ بولعانىن بىلەسىز)
تورتىنشىدەن، جاڭا فورماتتاعى اسكەري- يدەولوگيالىق سارىنداعى رۋحتى كوتەرۋ ماسەلەسى قولعا الىنادى. ب ا ق- تا اسكەري تەلە- جوبالار مەن پاتريوتتىق اندەر كوبەيىپ جاتسا، تاڭ قالماڭىز. بۇل يمەكەڭنىڭ يدەولوگياعا كىرىسكەنىنىڭ بەلگىسى دەگەن ءسوز. دەگەنمەن دە، ۇلتتىق قاۋىپسىزدىكتى قامتاماسسىز ەتۋ ءۇشىن جاقىن ارادا ىشكى ىستەر مينيسترلىگى مەن ۇلتتىق قاۋىپىسىزدىك كوميتەتىندە دە وزگەرىستەر بولۋى مۇمكىن؟ ! بۇل ۋاقىت پەن قولايلى مەزەتتىڭ ەنشىسىندە. . .
دوس كوشىم، ساياساتتانۋشى:
- جالپى، مۇنداي اۋىس- ءتۇيىس ماسەلەسىنە ءمان بەرمەيمىن. سەبەبى، سوڭعى بىرنەشە جىلدان بەرى بيلىككە سۋ جاڭا كادرلار كەلگەن ەمەس. جوعارعى بيلىكتە كادر سالاسىندا توقىراۋ بار سەكىلدى كورىنەدى. مەنىڭ ويىمدا يمانعالي جاقسى باسشى، ىسكەر ازامات رەتىندە قالىپتاسقان. ءبىراق، قورعانىس سالاسىن باسقارۋدىڭ قالاي بولارىن بولجاي المايمىن. بۇل - مەنىڭ جەكە پىكىرىم. مەن ءبىلىم، دەنساۋلىق جانە قورعانىس سالالارىن وسى سالانىڭ ماماندارى باسقارعانى ءجون دەپ بىلەمىن.
« الاش ايناسىنىڭ» ءتۇيىنى
يمانعالي تاسماعامبەتوۆ - بىلىكتى كادر. ول قاي قىزمەتكە بارسا دا، بيلىكتىڭ دە، بۇقارانىڭ كوڭىلىن تابا بىلەدى. ىسكەرلىگىنىڭ ارقاسىندا كەز- كەلگەن سالانىڭ جۇمىسىن جانداندىرا بىلەدى. «الاش ايناسى» باسىلىمى ساياساتكەرگە بۇل قىزمەتتە دە تابىستار تىلەيدى.
ALASHAINASY. KZ
