دەپۋتات مەككەدە قازاقستاننىڭ كوك تۋىن كوتەرگەن ازاماتتى ماراپاتتادى

استانا. قازاقپارات - پارلامەنت ءماجىلىسىنىڭ دەپۋتاتى باقىتبەك سماعۇل اۋعان سوعىسى ارداگەرلەرى ۇيىمدارىنىڭ «قازاقستان ارداگەرلەرى» قاۋىمداستىعىنىڭ اتىنان مارافونشى دۋلات يمانقاجىنى «ب. مومىش ۇلى. نامىس» ءتوس بەلگىسىمەن ماراپاتتادى.

ەسكە سالساق، كەڭەس اسكەرىنىڭ اۋعانستاننان شىعارىلعانىنا 25 جىل تولۋىنا جانە ق ر ىشكى ىستەر مينيسترلىگىنىڭ ەرەكشە ماقساتتاعى ميليتسيا جاساعىنىڭ 25 جىلدىعىنا ارناپ، سونداي- اق دەنساۋلىق ساقتاۋ سالاسىن دامىتۋدىڭ «سالاماتتى قازاقستان-2020» مەملەكەتتىك باعدارلاماسىنا قولداۋ بىلدىرگەن مارافونشى دۋلات يمانقاجى اعىمداعى جىلدىڭ 6 - شىلدەسىندە «استانا- مەككە» بەيبىتشىلىك مارافونىنا شىققان بولاتىن.

«بەيبىتشىلىك مارافونى 3- ايعا ۇلاستى. دۋلات كۇنىنە 100 شاقىرىم جولعا جۇگىرىپ وتىردى. استانا قالاسىنىڭ «نۇر استانا» ورتالىق مەشىتىنەن جۇگىرىپ باستاعان ول ەلىمىزدىڭ 6 وبلىسى مەن 4 مەملەكەتتىڭ شەكاراسىن قيىپ ءوتىپ، 7000 شاقىرىم قاشىقتىقتاعى قاسيەتتى مەككەگە ءوز اياعىمەن جەتتى» ، - دەلىنگەن باسپا ءسوز بايانىندا.

 جەلاياق دۋلات يمانقاجى قىركۇيەكتىڭ 15دە قاسيەتتى مەككەنىڭ توپىراعىن باسىپ، وندا قازاقستان رەسپۋبليكاسىنىڭ كوك تۋىن كوتەرگەن بولاتىن. اتالعان ساپار 2014 - جىلدىڭ 13 قازانىندا اياقتالىپ، مەككە قالاسىندا كوتەرىلگەن كوك بايراق رەسپۋبليكالىق مەملەكەتتىك مۇراجايعا تاپسىرىلاتىن بولدى.

اۆتور: قانات مامەتقازى ۇلى