08:31, 23 - قازان 2014 | GMT +5
وتتاۆا ورتالىعىندا ولتىرىلگەن ساربازدىڭ ەسىمى بەلگىلى بولدى
استانا. قازاقپارات - سارسەنبى كۇنى كانادادا وتتاۆا قالاسىنىڭ ورتالىعىنداعى اتىستا قازا تاپقان ساربازدىڭ اتى-ءجونى بەلگىلى بولدى. ول - كانادا قارۋلى كۇشتەرىنىڭ 24 جاستاعى كاپرالى ناتان سەريللو، دەپ حابارلادى «تاسس».
ول ونتاريو پروۆينتسياسى گاميلتون قالاسىندا دۇنيەگە كەلگەن.
پوليتسيا تاراتقان مالىمەت بويىنشا، سارسەنبى كۇنى تاڭعى 9:30 شاماسىندا قارا ءتۇستى كيىم كيگەن ادام سەريللونى مىلتىقپەن اتىپ، پارلامەنت جاققا جۇگىرگەندە قۇقىق قورعاۋشىلار ونىڭ ءوزىن اتتى. كاپرال ءبىرىنشى دۇنيەجۇزىلىك سوعىستا قازا تاپقان كانادالىقتار قۇرمەتىنە قويىلعان مەموريالدى ەسكەرتكىش الدىندا قاراۋىلدا بولعان.
قىلمىسكەر - 1982-جىلى تۋعان مايكل زەحاف- بيبو ەسىمدى كانادا ازاماتى.
