الەمنىڭ تاڭعالارلىق مەيرامحانالارىنىڭ ۇشەۋى قىتايدا ورنالاسقان - فوتو

استانا. قازاقپارات - ساياحاتشىلاردىڭ كوبى وزگە ەلدىڭ مادەنيەتىن زەرتتەۋدىڭ ەڭ ۇنامدى ءادىسى دەپ جەرگىلىكتى اس ۇيمەن تانىسۋدى ايتادى. جاڭا ءدامدى تاتىپ كورۋ، كەيبىر جاعدايلاردا ۇقساس، ال كەيدە تاڭعالدىراتىن ۇلتتىق تاعامداردى جەۋ ءارقاشان قىزىق.

اسپازدىق ەكزوتيكانى ازدىق ەتەتىن ادامدارعا Bigpicture.ru تاماقتى تالعاپ ىشەتىندەردىڭ ءوزىن تاڭعالدىرا الاتىن ەرەكشە مەيرامحانالارمەن تانىسىپ شىعۋدى ۇسىنادى.

1. تىنىش مەيرامحانا، ا ق ش.

نيۋ-يورك شتاتىنىڭ گرينپوينت قالاسىندا Eat (جە) دەپ اتالاتىن مەيرامحانا بار. وندا ەرەكشە ەشتەڭە جوق سياقتى بولىپ كورىنەدى، ءبىراق وندا سويلەۋگە تىيىم سالىنعان. ازياداعى بۋددا موناستىرىنە ساياحات جاساعاندا اسەرلەرگەن نيكولاس نويمان ادامدار تىنىشتىقتان ءلاززات الا الاتىن جەر جاساعىسى كەلىپتى. تىنىش تۇسكى استىڭ تانىمال بولعانى سونشالىقتى، ادامدار ونداعى ورىنداردى ءتىپتى الدىن الا برونداپ قوياتىن بولعان.

2. ميكروسكوپ استىنداعى كەشكى اس.

بىرنەشە جىل بۇرىن ءازىل رەتىندە باستالعان ءىس شەف-اسپاز حيرونوري يكەنونى بۇكىل جاپونياعا، ءتىپتى بۇكىل الەمگە اتاقتى قىلعان شىعار. ءبىر ۋاقىتتا ول شاعىن تاباققا كىشكەنتاي اس سالىپ بەرسە قىزىق بولاتىن شىعار دەپ ويلايدى، وعان بۇل ويدىڭ قانشالىقتى جەمىستى بولاتىنى قىزىق كورىنەدى. سويتسە، ءبىر كۇرىش دانىنەن سۋشي جاساۋعا بولادى ەكەن. بۇگىندە الەم تۋريستەرى يكەنو مىرزانىڭ اسپازدىق شەديەۆرىنىڭ ءدامىن تاتۋ ءۇشىن توكيولىق مەيرامحاناعا اعىلىپ جاتىر.

3. جالعىزدىقتاعى تۇسكى اس، نيدەرلاندى.

امستەردامداعى At Eenmaal مەيرامحاناسى ءوزىنىڭ جالعىزدىق كونتسەپتىمەن اتاقتى. بۇل جەردە تەك ءبىر عانا ادامعا ارنالعان ۇستەل بار. مەيرامحانانىڭ نەگىزىن قالاۋشى ءارى ديزاينەر مارينا ۆان گوور وسى ءداستۇرلى ەمەس امالدىڭ ماقساتى مۇنىڭ ادامدارعا مەيرامحانادا جالعىز تاماقتانۋدىڭ قانداي ەكەنىن كورۋگە مۇمكىندىك بەرۋ بولعانىن ايتادى.

4. ۇياداعى تۇسكى اس، تايلاند.

تايلاندتاعى Soneva Kiri Eco Resort شيپاجايىنىڭ اۋماعىندا «قۇس ۇياسى» دەپ اتالاتىن مەيرامحانا بار، وندا ءسىز كەرەمەت كورىنىستەردى كورۋگە مۇمكىندىك الاسىز، سەبەبى مەيرامحانا اعاش باسىندا تۇر. ول 4,8 مەتر بيىكتىكتە ىلىنگەن، داياشىلار كەلۋشىلەردىڭ داستارحانىنا تاماق پەن سۋسىندى ارقانمەن اسىلىپ اپارادى. مۇندا ادەتتەگى تۇسكى اس قۇنى - 450 دوللار، ءبىراق بۇل راقات ءوزىن-ءوزى اقتايتىن بولار.

5. ءزىل-زالا كەزىندەگى تۇسكى اس، يسپانيا.

كوبىمىز ءۇشىن جەر سىلكىنىسى كەزىندە اس ءىشۋ - جاقسى وي ەمەس. ءبىراق Disaster Cafe كافەسىندە ادامدار دەڭگەيى 7,8 بالل بولاتىن جەر سىلكىنىسى جاعدايىندا اس ءىشۋ ءۇشىن اقشا تولەيدى. مۇنداعى ورىنداردى ءتىپتى بىرنەشە اپتا بۇرىن برونداپ قويادى ەكەن. ازىرشە كافەگە كەلۋشىلەر جاراقات الۋدان امان - توگىلگەن زاتتاردان سۋ مەن تاماق قانا، ال بۇل جەردە كىشى-گىرىم وقيعالار قالىپتى جاعدايعا اينالىپ كەتكەن.

6. جارتاستاعى تۇسكى اس، قىتاي.

قىتايدىڭ حۋبەي پروۆينتسياسى باقىتتى القابىنداعى سينين شاتقالى بويىندا ءىلىنىپ تۇرعان Fangweng مەيرامحاناسى تاماقتان باسقا، ءوزى ورنالاسقان شاتقالدىڭ كەرەمەت كورىنىستەرىن دە ۇسىنادى. ورنالاسقان جەرىنە بايلانىستى مەكەمە جۇيكەسى ناشارلارعا ارنالماعان.

7. نيندزيامەن كەشكى اس، ا ق ش.

نيۋ-يوركتىڭ ترايبەكا اۋدانىنداعى نيندزياسى بار جاپون مەيرامحاناسى - جۇيكەسى ناشارلارعا ارنالاماعان تاعى ءبىر مەكەمە. ءدامدى اسپەن بىرگە مەيرامحانا سىزگە وتپەن جاسالاتىن تريۋكتەر مەن كۋنگفۋ، وعان قوسا پىشاق ۇستاعان داياشىلار مەن جارىلعىش تاماق ۇسىنادى. ەگەر سىزگە داستارحانىڭىزدىڭ ۇستىندە اسىلىپ تۇرعان قارۋلى نيندزياسى بار جەر ۇنايتىن بولسا بۇل جەر كوڭىلىڭىزدەن شىعادى.

8. روبوتتارى بار مەيرامحانا، تايلاند.

بانگكوكتاعى Hajime مەيرامحاناسى ءار داستارحانىندا ميني- باربەكيۋ ورناتىلعاندىعىمەن تانىمال، ءبىراق بۇل مەكەمەنىڭ باستى «ماقتانىشى» - داياشىلارى بولىپ وتىر. سەبەبى مۇندا سىزگە سامۋراي كيىمىن كيگەن داياشى- روبوتتار قىزمەت كورسەتەدى. ال قىزمەتتەن بوس ۋاقىتىندا ولار ءتىپتى بيلەيدى ەكەن.

9. مۇز ۇستىندەگى تۇسكى اس، فينليانديا.

سىزگە مۇز ۇستىندە تاماقتانۋ قىزىق بولسا مۇنداي جەردىڭ بار ەكەنىن ءبىلىپ ءجۇرىڭىز. ول سولتۇستىك پوليۋستە جانە تەك مۇزدان جاسالعان. بەلگىلى سەبەپتەرمەن مەيرامحانادا سۋىق تاماقتار عانا بەرىلەدى، ماسەلەن كارتوفەل سورپاسىن ارقان بالىقتىڭ ەتىمەن، بۇعىنىڭ جۇمساق ەتى جانە جابايى قۇستىڭ بۇرشاعى ەتىن اراق سىلىكپەسىمەن بەرەدى.

10. مايمىل- داياشىلار، جاپونيا.

ەگەر ءسىز ۋتسۋنوميا قالاسىنداعى Kayabukiya Tavern مەكەمەسىندە بولىپ قالساڭىز ساكەنى سىزگە داياشى كيىمىن كيگەن مايمىل اكەلەدى. مەيرامحانا يەسى وتسۋكا مايمىلداردى بۇل كاسىپكە ارنايى ۇيرەتپەگەنىن، وعان قاراپ تۇرىپ وزدەرى ۇيرەنگەنىن ايتادى. بۇگىندە جەرگىلىكتى بيلىك بۇل مەكەمەدە مايمىلدارعا جۇمىس ىستەۋگە رەسمي تۇردە رۇقسات بەردى، ال ريزا بولعان كەلۋشىلەر مايمىلدارعا سويا بۇرشاعى تۇرىندە شايلىق تاستاپ كەتەدى.

11. اۋرۋحاناداعى تۇسكى اس، تايۆان.

D. S. Music مەيرامحاناسى تايبەيدە ورنالاسقان، ءبىراق اتىنا بولا مۇندا ءان بار دەپ ويلاپ قالماڭىز. نەگىزىندە بۇل اۋرۋحانا تاقىرىبىنداعى مەيرامحانا، وندا داياشىلار مەدبيكە كيىمىندە جۇرەدى، ال داستارحاندار اۋرۋحانا توسەگىنەن جاسالعان، سۋسىن بولسا شپريسپەن بەرىلەدى. ونى از دەسەڭىز قابىرعالارعا رەنتگەنگە تۇسىرىلگەن سۋرەت ىلىنگەن.

12. دورەكى تۇسكى اس، ا ق ش.

باستاپقىدا تاڭداۋلى مەيرامحانا جاساۋ جوسپارى بولعان، ءبىراق كەيىن وتە دورەكى داياشىلارىمەن اتى شىققان مەكەمەگە اينالادى. العاشقى كەزدە ويلاعانى جۇزەگە اسپاعان سوڭ، يەسى وعان مۇلدەم قارسى دۇنيە جاساعىسى كەلەدى. ۋاقىت وتە كەلە Dick´s Last دەگەن مەيرامحانانىڭ اتى شىعادى. داياشىنىڭ ءتىل تيگىزىپ، قاعازدان جاسالعان قالپاعىن كيگىزىپ كەمسىتەتىن قىزمەتى ءۇشىن مۇندا جۇرت اعىلاتىن كورىنەدى.

13. عاجايىپتار ەلىندەگى تۇسكى اس، جاپونيا.

«اليسا عاجايىپتار ەلىندە» ەرتەگىسىنىڭ جاپونيادا تانىمالدىعى سونشالىق، بۇل ەلدە بۇل تاقىرىپقا ارنالعان كافە مەن مەيرامحانالار جەلىسى اشىلعان. Fantastic Design Works ستۋدياسى جاساعان مەيرامحانالاردىڭ ەرتەگى وقيعالارى جەلىسىندە جاسالعان - «اليسا ەسكى قورعاندا»، «اليسا لابيرينتتە»، «اليسا بي ەلىندە». داياشىلار اليسانىڭ ادەمى اق-كوك ءتۇستى كويلەگىن كيگەن.

14. نۋديستەرشە تۇسكى اس، ا ق ش.

نيۋ-يوركتاعى مانحەتتەندە ورنالاسقان Clothing Optional Dinners كلۋبى ايىنا ءبىر رەت «جالاڭاش» كەش وتكىزەدى. ونىڭ نەگىزىن نۋديست دجون دج. وردوۆەر سالعان. شارانىڭ بىرنەشە ەرەجەسى بار، ونىڭ ىشىندە: وزىڭىزبەن بىرگە داستارحانعا جاياتىن زات اكەلۋىڭىز كەرەك (مىسالى، ورامال)، ال قىزمەت كورسەتۋشى پەرسونال كيىممەن جۇرەدى.

15. قاراڭعىداعى تۇسكى اس، انگليا.

قاراڭعىدا تاماق ءىشۋ ءبىرتۇرلى يدەياسى الەمنىڭ كوپتەگەن مەيرامحاسىنا دەم بەردى، ءبىراق سونىڭ ىشىندە ەڭ تانىمالى لوندوداعى - Dans Le Noir. كورۋدەن باس تارتقاندا-اق ناعىز ارومات پەن ءيىستىڭ الەمىنە كىرەسىز.

16. وتە زيان مەيرامحانا، ا ق ش.

مەيرامحانا يەلەرى ءوز مەكەمەسىن بارىنشا دەنساۋلىققا پايدالى ءارى ءدامدى ەتىپ جارنامالاعىسى كەلىپ جاتقان ۋاقىتتا لاس-ۆەگاستاعى Heart attack Grill يەسى بىلاي دەيدى: «مەنىڭ مەيرامحاناما كەلمەڭدەر، ول سىزدەر ءۇشىن زيان جانە ءولتىرۋى مۇمكىن». كافە تەك قانا كولورياسى كوپ زيان تاماقتارعا ماماندانعان جانە وندا كوكونىس مۇلدەم جوق. «ولتىرەتىن فري»، «قايتىس بولعان بۋرگەن» جانە «ينفاركتتى حوت-دوگ» سياقتى اتاۋلارىنان-اق مۇندا فيتنەسپەن اينالىساتىن ادامدارعا كەلۋگە بولمايتىنى بىلۋگە بولادى.

17. ولىلەرمەن تۇسكى اس، ءۇندىستان.

ەسكى مولا ورنىندا مەيرامحانا سالعان كريشان كۋتي مۇردەلەردى قالدىرۋدى شەشەدى. كۇماندى شەشىمى كەيىن ۇتىمدى ادىسكە اينالدى. مەيرامحاناعا كۇن سايىن ادام لىقا تولىپ وتىراتىن بولعان، كەلۋشىلەر ولىلەرمەن بىرگە تاماقتانۋ اسەرىن سەزىنىپ كورگىسى كەلەدى ەكەن.

18. سارقىراما استىنداعى تۇسكى اس، فيليپپيندەر.

تاماقتانىپ جاتقانىڭىزدا سىزگە اۋا ءۇرىپ تۇراتىن جەلدەتكىشتەردى ۇمىتىڭىز. جاقىندا اعىپ جاتقان سارقىرامانىڭ تاپ-تازا سۋىمەن بۋسانىڭىز. مۇنداي كەرەمەت بەزەندىرۋدەن ءلاززات الۋ ءۇشىن فيليپپيندەردەگى سان-پاۋلۋ-سيتيگە بارۋىڭىز كەرەك. مۇندا بامبۋك اعاشىنان جاسالعان داستارحاندار بار. ءدامدى تاماق قويىلاتىن داستارحاندار سارقىراما ەتەگى ماڭىنداعى ەدەنگە جابىستىرىلعان.

19. سۋ استىنداعى تۇسكى اس، مالديۆتەر.

ءتورت مەتر تەرەڭدىكتە الەمدەگى تۇڭعىش مەيرامحانا اشىلدى. مۇندا سىزگە كەرەمەت تاماق قانا ەمەس، مۇحيت تۇبىندەگى ادەمى كورىنىستەردى دە ۇسىنادى. دەسە دە بۇل مەيرامحاناعا تەك 14 ادام سيادى.

20. اسپانداعى كەشكى اس، الەم بويىنشا.

Dinner in the Sky - بۇل بەلگيالىق جوبا. اسپانداعى مەيرامحانا ادامدارعا قالانىڭ ۇستىندە وتىرىپ تۇسكى اس نەمەسە كەشكى اس ىشۋگە مۇمكىندىك بەرەدى. كران 22 ادامعا ارنالعان داستارحاندى جوعارى كوتەرەدى، ال داستارحانعا ورىندىقتار بايلانعان. ناتيجەسىندە ءدامدى تاماق جەپ، قالانىڭ كەرەمەت كورىنىسىن كورە الاسىز. قازىرگى ۋاقىتتا بۇل شارا 40 ەلدە وتەدى.

21. كاننيبالشا سۋشي، جاپونيا.

ولىلەرمەن تاماقتاندىراتىن ءۇندى مەيرامحاناسى مۇنىڭ جانىندا دىم دا ەمەس. جاپونياداعى كاننيبالشا سۋشي مەيرامحاناسىنا بارساڭىز بۇل سوزگە ناناسىز. مۇندا سىزگە اربامەن جەۋگە بولاتىن «دەنە» اكەلەدى. ءسىز وعان قولىڭىزدى سۇعىپ، ادامنىڭ ىشكى مۇشەلەرىنىڭ ءدامىن تاتۋىڭىز كەرەك. ارينە، بۇل شىن ادام ەمەس، كۇرىش پەن جاپون اس ءۇيىنىڭ باسقا دا ينگرەديەنتتەرىنەن جاسالعان كوشىرمەسى. ادام سۋشيدەن جاسالعان، قان - سوۋس، ال جىنىس مۇشەلەرى جەۋگە بولمايتىن قولدان جاسالعان زاتتارمەن بەزەندىرىلگەن.

22. ءانشى مەيرامحانا، فرانسيا.

پاريجدە 1999-جىلى اشىلعان Bel Canto مەيرامحاناسى داياشىنىڭ ورنىنا وپەرا انشىلەرىن جالداپ، تاڭداۋلى تۇسكى اس پەن تەاتر قويىلىمىنىڭ ەرەكشە ۇيلەسىمىن جاسايدى. ادەتتە انشىلەر توپپەن ءتورت-تورتتەن ءجۇرىپ ءتۇرلى پارتيادان 15 مينۋتتاي ءان ايتادى. مەيرامحانا قىزىل جانە التىن ءتۇستى بارقىتپەن بەزەندىرىلگەن، قابىرعالاردىڭ ءسانىن مۋزىكالىق اسپاپتار مەن وپەرا كوستيۋمدەرى كەلتىرەدى.

23. ورتاعاسىرلىق تاۆەرنا، چەحيا.

ەگەر ⅩⅤ عاسىردا ادامدار قالاي تاماقتانعانىن بىلگىڭىز كەلسە، پراگادا ورتاعاسىرلىق كەرەمەت مەيرامحانا بار. مەكەمە اعاش داستارحان، ورىندىق، قىش ىدىستارىمەن XV عاسىردى ەسكە سالادى. تاۆەرنا بىرەگەي اس ءۇي تاجىريبەسىن بەرەدى. ەگەر قانداي تاماق ىشەتىنىڭىزدى بىلمەسەڭىز ەسكى كوستيۋمدەگى داياشىلار كومەككە كەلمەك.

24. دارەتحانالىق مەيرامحانا، قىتاي.

شانشي قىتايلىق پروۆينتسياسىنداعى تايۋان قالاسىندا 2013-جىلى دارەتحانالىق مەيرامحانا اشىلدى دا تەز ارادا قالانىڭ ەڭ تانىمال مەكەمەلەرىنىڭ ءبىرى بولدى. مۇندا استى كىشكەنتاي ۋنيتازعا سالىپ بەرەدى، ال ينتەرەرى دارەتحانا مەن جۋىناتىن بولمەنى ەسكە سالادى - قابىرعالاردا سۋ شاشاتىن قۇبىر، ۇستىنە ناجىسكە ۇقسايتىن كورپەشە قويىلعان ۋنيتاز فورماسىنداعى ورىندىقتار.

25 . ەركەك جانۋارلاردىڭ جىنىس مۇشەسىنەن اس  دايىندايتىن ءدامحانا، قىتاي.

Guo Li Zhuang - بۇل ءتۇرلى جانۋارلاردىڭ جىنىس مۇشەسىنەن دايىندالاتىن مەيرامحانا. تاڭداۋعا ءتۇرلى جانۋاردىڭ جىنىس مۇشەسىنەن دايىندالعان تاماق ۇسىنىلعان: ات، بۇقا، ەسەك، يت، بۇعى، تەكە، قوي جانە ءتىپتى جىلان. ەگەر ەرەكشە گۋرمان بولساڭىز شوشقا جۇمىرتقاسىن تەكە مۇشەسىمەن، تاۋىق جۇمىرتقاسىن ات مۇشەسىمەن جانە باسقا دا قوسپا تاماققا تاپسىرىس بەرە الاسىز.

tengrinews.kz