08:53, 22 - قازان 2014 | GMT +5
بىرىككەن اراب امىرلىگى مارستى زەرتتەۋگە كىرىستى
ءابۋ- دابي. قازاقپارات - بىرىككەن اراب امىرلىگى اراب ەلدەرىنىڭ اراسىندا 2021-جىلعا قاراي مارسقا ۇشقىشسىز زوند ۇشىرۋ بويىنشا ءبىرىنشى بولىپ عارىش جوباسىن ىسكە قوساتىندارى تۋرالى جاريالادى.
قۇرىلعان بىرىككەن اراب امىرلىگى اەروعارىشتىق اگەنتتىگى مەن «وزىق عىلىم مەن تەحنولوگيالاردىڭ ەميرات ينستيتۋتى» دۇيسەنبى كۇنى سەرىكتەستىك تۋرالى كەلىسىمگە قول قويدى. ول مارستى زەرتتەۋ بويىنشا جەتى جىلدىق جوبانى قاراستىرىپ وتىر.
ەميراتتىق ۇشقىشسىز كەمە 2021-جىلى جەكەلەگەن پلانەتاعا جەتىپ، توپىراق الۋ جانە باسقا دا تاجىريبەلەردى جۇرگىزۋى ءتيىس. عالىمدار ۇشۋ اپپاراتىنىڭ مارسقا جولى 92 ميلليون شاقىرىم بولاتىنىن ەسەپتەگەن.
عارىشتىق ماقساتتارىن جۇزەگە اسىرۋ ءۇشىن امىرلىك بەس ميللياردتان استام ا ق ش دوللارىن جۇمساۋدى جوسپارلاپ وتىر. وسىلايشا، بىرىككەن اراب امىرلىگى قىزىل پلانەتانى زەرتتەۋدىڭ عارىشتىق باعدارلاماسى بار الەمدەگى توعىزىنشى ەلگە اينالادى.
