الەم بويىنشا، مۇزدىڭ بەتىندە قويىلعان تۇڭعىش كونسەرتتى بىرنەشە بالىقشى عانا تاماشالادى

استانا. قازاقپارات - بريتانيانىڭ The Defiled روك جانرىنداعى مەتال-توبى گرەنلاند تەڭىزىندەگى مۇزتاۋدا ءان سالدى، دەپ جازادى «مويا پلانەتا».

قوزعالمالى ايسبەرگ بەتىندە The Defiled توبى ءبىر ساعاتقا جۋىق ونەر كورسەتكەن. الەم بويىنشا، مۇزدىڭ بەتىندە قويىلعان تۇڭعىش كونسەرتتى سول ماڭداعى كۋلۋسۋك اۋىلىنىڭ بالىقشىلارى قايىقتا وتىرىپ تاماشالادى.

بريتاندىق انشىلەر شىعارماشىلىق كەش وتكىزەتىن جانە بارلىق مۋزىكالىق اسپاپتاردى كوتەرە الاتىن مۇزتاۋدى بىرنەشە كۇن ىزدەگەن. ولارعا جەرگىلىكتى تۇرعىندار كومەكتەسكەن. ونەر كورسەتكەن سوڭ توپ مۇشەلەرى اسپاپتارىن تۇرعىندارعا سىيعا تارتىپتى.

بۇل ەرەكەشە باستاما «Jägermeister Ice Cold Gig» جوباسىنىڭ ءبىرى عانا. دەمەۋشىلەردىڭ تالابى بويىنشا، توپ مۇشەلەرى ءالى تالاي ەڭ قولايسىز ورىنداردا ءان شىرقاۋى كەرەك بولادى.