كونگو تۇرمەسىندە جازاسىن وتەپ جاتقانداردىڭ ءبارى قاشىپ كەتتى

استانا. قازاقپارات - بەلگىسىز قارۋلانعان ادامدار كونگو دەموكراتيالىق رەسپۋبليكاسىنىڭ شىعىسىنداعى تۇرمەگە وق جاۋدىرىپ، جازاسىن وتەپ جاتقان 370 تۇتقىننىڭ ءبارىن بوساتىپ الدى.

Al Jazeera حابارلاعانداي، بولجام بويىنشا بۇل وقيعاعا «وداقتىق دەموكراتيالىق كۇشتەر - ۋگاندانى ازات ەتۋدىڭ ۇلتتىق ارمياسى» راديكالدى توبى مۇشەلەرىنىڭ قاتىسى بار.

الايدا جەرگىلىكتى بيلىكتەگىلەردىڭ باسقاشا ايتىپ وتىر. بۋتەمبو قالاسى مەرىنىڭ پىكىرىنشە، شابۋىل جاساعاندار قاراقشىلار بولعان.

ك د ر-دا تۇراقسىز جاعداي ساقتالۋدا. قازىر ەلدە 18,5 مىڭ اسكەري قىزمەتكەر مەن MONUSCO-نىڭ 500 اسكەري باقىلاۋشىسى، سونىمەن بىرگە، 1,5 مىڭ پوليتسەي بار. بىتىمگەرلەر ەلدى جايلاعان ءتۇرلى اسكەري توپتارمەن كۇرەسۋدە.