قىتايداعى ۇزدىك قازاقستاندىق ستۋدەنتتەردىڭ ەسىمدەرى اتالدى

بەيجىڭ. قازاقپارات - قىتايداعى ق ر ەلشىسى نۇرلان ەرمەكبايەۆ بەيجىڭدە وقىپ جاتقان قازاقستاندىقتارمەن كەزدەسۋىندە وقۋ مەن قوعامدىق جۇمىستاردا ۇزدىك كورىنىپ جۇرگەن ستۋدەنتتەردىڭ ەسىمدەرىن اتادى.

«ەلشىلىك ءبىزدىڭ ستۋدەنتتەردىڭ وقۋ دەڭگەيىن ۇنەمى نازاردا ۇستايدى. قىتايلىق وقىتۋشىلاردىڭ مىنەزدەمەلەرىنە وراي وقۋدا ۇزدىك اتانعانداردى اتاپ وتۋگە بولادى.

ولار: قىتاي عىلىم اكادەمياسىنىڭ يننوۆاتسيالىق تەحنولوگيا ينستيتۋتىنىڭ ماگيسترانتى نۇرسۇلتان قالىقۇلوۆ، بەيجىڭ ءداستۇرلى مەديتسينا ينستيتۋتىنىڭ 5- كۋرس ستۋدەنتى ايگۇل سۇلتانبەك، بەيجىڭ پوليتەحنيكالىق ينستيتۋتىنىڭ اقپاراتتىق تەحنولوگيا فاكۋلتەتىنىڭ 4- كۋرس ستۋدەنتى ارمان سىدىقوۆ، مەديتسينا ۋنيۆەرسيتەتىنىڭ 5- كۋرس ستۋدەنتى عالىمجان يسابەكوۆ، «شينحۋا» ۋنيۆەرسيتەتىنىڭ قىتاي ءتىلى فاكۋلتەتىنىڭ 3- كۋرس ستۋدەنتى يانا كيم. بۇدان باسقا دا وقۋدا جاقسى كورسەتكىشتەرگە قول جەتكىزىپ جۇرگەندەر از ەمەس»، - دەدى نۇرلان ەرمەكبايەۆ.

ەلشى سونىمەن قاتار بەيجىڭدەگى (الەن نۇربايەۆ)، شاڭحايداعى (تىلەكتەس ادامبەكوۆ) جانە ۋحانداعى (جاندوس جاعىپاروۆ) قازاقستاندىق ستۋدەنتتەر قاۋىمداستىعىنىڭ جۇمىسىن اتاپ ءوتتى.