ۋكراينا بيلىگى بارلاۋ قىزمەتىن قايتا ۇيىمداستىرۋعا ارنالعان باعدارلاما ازىرلەۋدە
«ۇلتتىق بارلاۋ باعدارلاماسى جاسالادى. بۇل وتە قۇپيا قۇجات بولماق. وسى باعدارلاما بويىنشا 1№ قارسىلاس كىم انىقتالادى، ءبىز ونى قازىرگى زاڭعا سۇيەنىپ بىلە المايمىز»، دەيدى پرەزيدەنتكە قاراستى بارلاۋ كوميتەتىنىڭ باسشىسى يگور سمەشكو.
سمەشكو اتاپ كورسەتكەندەي، مەملەكەتتىك قۇپيا تۋرالى زاڭ اياسىندا «ءوزىنىڭ باستى باسەكەلەسى نەمەسە بارلاۋشىلار تىلىمەن ايتقاندا ستراتەگيالىق قارسىلاسى كىم ەكەنىن، قاي مەملەكەت قاۋىپ ءتوندىرىپ تۇرعانىن ۋكراينا ءوزى بەلگىلەگەن جوق». ونىڭ سوزىنە قاراعاندا تاياۋدا قۇرىلعان كوميتەت پرەزيدەنتكە بارلاۋ ورگاندارىنىڭ قىزمەتىن جوسپارلاۋعا، باقىلاۋعا، تالداۋعا كومەكتەسەدى.
بۇعان دەيىن پرەزيدەنت پەتر پوروشەنكو بارلاۋ قىزمەتىنە قاتىستى كوميتەت قۇرۋ تۋرالى شەشىمدى ماقۇلداپ، وسى ورگاندى باسقارۋدى يگور سمەشكوعا تاپسىرعان بولاتىن. كوميتەت ۇلتتىق قاۋىپسىزدىك جانە قورعانىس كەڭەسى اپپاراتىنىڭ قۇرىلىمدىق ءبولىمى بولىپ تابىلادى.
tengrinews.kz
