22:54, 17 - قازان 2014 | GMT +5
بەلارۋس رەسەيمەن ءبىرىڭعاي ۆاليۋتانىڭ ەنگىزىلۋىنە نەگە قارسى بولمادى؟
استانا. قازاقپارات - بەلارۋس رەسپۋبليكاسى رەسەيمەن وداقتاس مەملەكەت رەتىندە ءبىرىڭعاي ۆاليۋتانىڭ ەنگىزىلۋىنە قارسى ەمەس، الايدا ەميسسيالىق ورتالىق قۇرۋ ماسەلەسىندە تەڭ قۇقىلى بولۋدى قالايدى، دەپ ءمالىم ەتتى بەلارۋس رەسپۋبليكاسىنىڭ پرەزيدەنتى الەكساندر لۋكاشەنكو.
ول ونىڭ تۇسىنىگىندەگى تەڭ قۇقىلىق بارلىق ماسەلەلەردىڭ ەكى ەلدىڭ مۇددەلەرىن ەسكەرۋمەن شەشىلۋى ەكەنىن ءتۇسىندىردى.
«ەميسسيالىق ورتالىق تاۋەلسىز بولۋى كەرەك»، - دەپ اتاپ ءوتتى ا. لۋكاشەنكو.
ايتا كەتەيىك، بەلارۋس پەن رەسەي وداقتاس مەملەكەتىن قۇرۋ تۋرالى كەلىسىم-شارتقا 1999-جىلى قول قويىلدى. وداق جوباسىندا ءبىرىڭعاي ساياسي، ەكونوميكالىق، اسكەري، كەدەندىك، ۆاليۋتالىق جانە زاڭدى كەڭىستىكتىڭ بولۋى قاراستىرىلعان.
