انشىلەرىمىزدى وزبەكتەر ءولتىردى
«وزبەكستاننىڭ «داراكچي» دەگەن گازەتىنىڭ ءتىلشىسى يۋلداشوۆ دەگەن رەجيسسەرمەن سۇحباتتا: «سىزگە قاي انشىلەرمەن كليپ ءتۇسىرۋ وڭاي؟»- دەپ سۇراق قويىپتى.
سوندا اناۋ: «قازاقتىڭ ءانشى قىزدارىنا كليپ تۇسىرگەن وڭاي، ولارعا ءبىر كەرۋەت پەن ءبىر ىشكويلەك بەرسەڭ بولدى. سول كەرۋەتتە اۋناپ، ءوز ءتانىن ءوزى سيپاپ، ايمالاپ، ءماز بولىپ تۇسە بەرەدى»، - دەپ جاۋاپ بەرەدى.
نەتكەن ماسقارا دەسەڭىزشى! ءيا، رەجيسسەردىڭ ايتقانى راس. ونى تەلەديداردان كۇن سايىن كورىپ ءجۇرمىز. بۇعان نە دەيسىز؟ ءيا، بۇل اشى شىندىق! «ءاندىجاندا ءبىر اپكەم بار، ودان دا وتكەن سوراقى!»- دەگەندەي، بىزدە تەك انشىلەر مەن شوۋ- بيزنەس وكىلدەرى عانا ەمەس، جالاڭاش شىعۋ سپورت جارىستارىندا دا (مىسالى، كەزىندە ارلاندارىمىز «استانا ارلانستىڭ» ءبىر كەزدەسۋىندە راۋند حابارلاۋ ءۇشىن ءبىر جاپىراق لىپامەن تابلو كوتەرىپ شىققان قىزدار تۋرالى meninshe.kazjur.kz جازعان ەدى) كەزدەسەدى...
بۇلاردىڭ ءبارىن قويشى، ەل تۇزەي مە دەگەن ساياساتكەر اجەلەرىمىز لىپاڭدى بىلاي قويىپ، بۇكىل ەلدىڭ، بالا-شاعالارى، نەمەرەلەرىنىڭ، اعايىن-تۋىس، قۇدا-جەگجات، جورا-جولداستارىنىڭ كوزىنشە تۇتتاي جالاڭاش شىعا كەلگەندە ءبىراز ادام «ءجۇرىپ كەتە جازداپ»، ءبىرازى تالىپ قالدى. ەرعاليەۆانىڭ «ەرلىگىن» كورگەندە، اسەلدەر مەن ءمادينالاردىڭ «ەركەلىگىنە» جىلاپ كورىسەدى ەكەنسىڭ...
اللا اقىرىن بەرىپ، ار-يمان مەن ابىرويدان ايىرماسىن، ايتەۋىر!..
قازىبەك يسا، www.qazaquni.kz
