قازاقتار شەتەلگە نەگە قۇمار؟
قازىر جات جۇرتتا شامامەن 300 مىڭ وتانداسىمىزدىڭ جەكە باسپاناسى بار ەكەن دەپ حابارلايدى ك ت ك ارناسى. قازاقتار ءۇي ساتىپ العان ەلدەردىڭ باسىن يسپانيا، بولگاريا، حورۆاتيا جانە تۇركيا باستاپ تۇر. ودان كەيىن ءتىزىمدى گەرمانيا، بىرىككەن اراب امىرلىكتەرى، ۇلى بريتانيا، فرانسيا جانە ليتۆا مەن لاتۆيا جالعاعان.
ءبىر قىزىعى، سوڭعى ۋاقىتتا وزگە مەملەكەتتەن باسپانالى بوپ جاتقانداردىڭ دەنى وليگارحتار ەمەس، ورتا داۋلەت يەلەرى. سوعان قاراپ، ريەلتورلار ولاردىڭ كوزدەگەنى ازاماتتىق الۋ بولار دەپ توپشىلايدى. ويتكەنى الگى ءتىزىمدى باستاپ تۇرعان يسپانيادا 30-40 مىڭ دوللارعا ءۇي العان ادامدى بىردەن تۇرعىن رەتىندە تىركەيتىن زاڭ بار.
ال بولگاريادا 3 جىلدىق ۆيزامەن جۇرۋگە جول اشىق. دەسە دە، قالتاسىنىڭ قالىڭدىعىنان وزگە جاقتان مۇلىك الۋعا اۋەس قازاقتار سانى دا بارشىلىق. تەك كوبىنىڭ ەسىمى قۇپيا. ماسەلەن، نيۋ-يوركتىڭ مانحەتتەن اۋدانىندا بىزدەگى وليگارحتىڭ ءبىرىنىڭ بالاسى پاتەر ساتىپ الىپتى. پەنحاۋستىڭ قۇنى - 75 ميلليون دوللار. قازاقستان ازىرگە شەتەلدە مۇلكى بار بايلار تىزىمىندە ت م د بويىنشا الدىنا تەك رەسەي مەن ۋكراينانى شىعارىپ، ءۇشىنشى ورىندا تۇر.
«ك ت ك ارناسى»
