قازاق ونەرىنىڭ ساڭلاقتارى: باقىتجان ءالىمباي ۇلى ابىشيەۆ
الماتى ورتا مەكتەبىنىڭ 10 جىلدىق سىنىبىن جانە الماتى گوگول اتىنداعى سۋرەت ۋچيليشەسىن 1969 - جىلى اياقتاعاننان سوڭ، سۋريكوۆ اتىنداعى ماسكەۋ مەملەكەتتىك كوركەمسۋرەت ينستيتۋتىنا وقۋعا ءتۇستى.
ن. ۆ. گوگول اتىنداعى كوركەمسۋرەت ۋچيليشەسىن، موسكۆاداعى كوركەمسۋرەت ينستيتۋتىن ءبىتىردى.
ونىڭ كورمەلىك قىزمەتى 1971 - جىلدان موسكۆاداعى «شەتەل ادەبيەتى كىتاپحاناسىنىڭ» جاس سۋرەتشىلەر كورمەسىندە باستالىپ، سودان بەرى وداقتىق، رەسپۋبليكالىق دارەجەدەگى كورەمەلەردىڭ تۇراقتى قاتىسۋشىسى اتاندى.
وسى ۋاقىتقا دەيىن، ياعني 1975 - جىلدان، ۇلى ءدانىشپاندار - جاسىباي، مۇحتار اۋەزوۆ، ءال- فارابي، ش. بەرسەيەۆ جانە ت. ب. بەينەلەرىن ومىرگە كەلتىردى.
سونداي- اق ءاليا، مانشۇك، قانىش ساتپايەۆ، «اۋعان سوعىسى قۇرباندارى» كونكۋرستارىنا قاتىسقان - جۇلدەگەر.
الماتى قالاسىنداعى «توقاش بوكين» ، «ۇلى وتان سوعىسىنىڭ قۇرباندارى» بەينەسىن جاڭا- قورعاندا ورناتقان. الماتىداعى ءال- فارابي، ماحامبەت، ك. بايسەيىتوۆا ت. ب. ارداقتى قايراتكەرلەردى مۇسىندەگەن.
سونىمەن قاتار الماتى قالاسىندا جامبىلعا، پاۆلودار وبلىسىنداعى باياناۋىلدا بۇقار- جىراۋ، ءماشھۇر ءجۇسىپ كوپەيەۆ، سۇلتانماحمۇت تورايعىروۆتارعا جانە اقتوبە وبلىسىنىڭ قوبدا اۋدانىندا ءاليا موداعۇلوۆاعا ەسكەرتكىشتەر جاسالىپ، ورناتىلدى.
ونىڭ قولىنان شىققان تاماشا ەڭبەكتەرى قازاقستان رەسپۋبليكاسىنىڭ بىرنەشە قالالارىنىڭ مۋزەيلەرىندە، شەتەلدەردە لايىقتى ورىندار العان. مىسالى، «وليمپيەتس» اتتى تاماشا جۇمىسى شۆەيتسارياداعى لوزاننا قالاسىنداعى وليمپيادالىق كوميتەتتىڭ شتاب- پاتەرىندە ورنالاستىرىلسا، كەلەسى «كۇيشى» اتتى ءمۇسىنى گەرمانيادا، «توميريس» اتتى ەڭبەگى موسكۆا قالاسىندا تۇر.
قازاقستان رەسپۋبليكاسى مەملەكەتتىك جانە قازاقستان رەسپۋبليكاسى پرەزيدەنتىنىڭ «بەيبىتشىلىك جانە رۋحاني كەلىسىم» سىيلىقتارىنىڭ اۆتورى.
سۋرەتشىلەر وداعىنىڭ مۇشەسى، قازاقستان رەسپۋبليكاسى لەنين كومسومول سىيلىعىنىڭ لاۋرەاتى.
جامبىل جابايەۆ اتىنداعى حالىقارالىق سىيلىعىنىڭ لاۋرەاتى.
«ەرەن ەڭبەگى ءۇشىن» مەدالىنىڭ يەگەرى. اتىراۋ قالاسىنداعى يساتاي - ماحامبەت كەشەنىندە - يساتاي- ماحامبەت ءمۇسىنىنىڭ اۆتورى.
