10:02, 13 - قازان 2014 | GMT +5
ەكونوميكا بويىنشا نوبەل سىيلىعى لاۋرەاتىنىڭ ەسىمى جاريالانادى
استانا. قازاقپارات - كورولدىك اكادەميا جانىنداعى ەكونوميكا جونىندەگى نوبەل كوميتەتى الفرەد نوبەلدىڭ قۇرمەتىنە 2014-جىلعى شۆەتسيا مەملەكەتتىڭ بانكى سىيلىعى لاۋرەاتىنىڭ ەسىمىن اتايدى.
وتكەن جىلى لاۋرەات اتاعىن «اكتيۆتەردىڭ باعاسىن ەمپيريكالىق تالداعانى» ءۇشىن امەريكالىق عالىمدار يۋدجين فاما، لارس پيتەر حانسەن جانە روبەرت شيللەر العان بولاتىن.
نوبەل كوميتەتىنىڭ شەشىمى سوڭعى ساتكە دەيىن قۇپيا ساقتالادى. الايدا ب ا ق-تىڭ ەكونوميكالىق بولىمدەرىنىڭ ساراپشىلارى ءوز بولجامدارىن جاساۋدا. ۇمىتكەرلەردىڭ اراسىندا كاسىپكەرلىك زەرتتەۋمەن اينالىساتىن امەريكاندىقتار ۋيليام باۋمول مەن يسراەل كيرزنەر، سونداي-اق ەكونوميكالىق ءوسىم تۋرالى يوزەف شۋمپەتەردىڭ تەورياسىن دامىتقان فرانسۋز فيليپپ اگون مەن كانادالىق پيتەر حاۋيتت ەسىمدەرى ءجيى اتالىپ ءجۇر.
