استانادا تورتكۇل دۇنيەنىڭ تالانتتارى توعىسقان سكريپكاشىلار كونكۋرسى باستالدى
V حالىقارالىق سكريپكاشىلار كونكۋرسىنىڭ باستى ماقساتى - كلاسسيكالىق مۋزىكانى دارىپتەۋ، سكريپكا ونەرىن ناسيحاتتاۋ، قازاقستاندىق جاس تالانتتى سكريپكاشىلاردى جوعارى دەڭگەيگە كوتەرۋ جانە قازاقستاننىڭ مادەني ابىرويىن ارتتىرۋ.
كونكۋرسقا - قازاقستان جانە شەتەل سكريپكاشىلارى، ارنايى وقۋ ورىندارىنىڭ تاربيەلەنۋشىلەرى قاتىسادى. قاتىسۋشىلار جاس شاماسىنا قاراي ەكى توپقا بولىنەدى: جەتكىنشەكتەر توبى (15 جاسقا دەيىنگى) جانە ەرەسەكتەر توبى (16- 28 جاس ارالىعى).
قاتىسۋشىلار ي. س. باح، ن. پاگانيني، ي. برامس، پ. چايكوۆسكي، د. شوستاكوۆيچ سىندى ۇلى كومپوزيتورلاردىڭ شىعارمالارىن ورىندايدى.
كونكۋرس قازاننىڭ 17- كۇنى جەڭىمپازدارىنىڭ سالتاناتتى گالا-كونسەرتىمەن اياقتالادى.
كونكۋرستىڭ قازىلار القاسى قۇرامى اتاقتى سكريپكاشىلاردان تۇرادى: قازاقستان رەسپۋبليكاسىنىڭ حالىق ءارتىسى، پروفەسسور ايمان مۇساقوجايەۆا، ەدۋارد گراچ (رەسەي)، سەرگەي كراۆچەنكو (رەسەي)، الەكساندر ۆيننيتسكي (فينليانديا)، پەتر شەرەمەتيەۆ (فرانسيا).
