داۋىلدان اتوم ەلەكتر ستانسالارىنا زاقىم كەلۋى مۇمكىن

استانا. قازاقپارات - جاپونيانىڭ وڭتۇستىگىن جايراتقان «ۆونفون» تايفۋنى ەندى سولتۇستىككە بەت الدى، دەپ جازادى kz.24.

بۇل تۋرالى ا ق ش-تىڭ عارىش اگەنتتىگى تۇسىرگەن بەينەدەرەكتەن بەلگىلى بولدى. وندا جويقىن داۋىلدىڭ نەگىزگى وشاعى شۇڭقىر تۇرىندە انىق بەينەلەنگەن.

سوڭعى اقپاراتقا سايكەس، سۇراپىل تابيعي اپاتتان 7 ادام قازا تاۋىپ، 35 ءى جارالانعان. تايفۋنعا بايلانىستى وكيناۆا ارالىنداعى اۋەجاي جۇمىسىن ۋاقىتشا توقتاتىپ، اۋە رەيستەرى كەيىنگە شەگەرىلدى.

سولتۇستىككە بەت العان «ۆونفون» كيۋسيۋ ارالىن باسىپ وتەدى. «بۇل جاعداي ارالداعى ەكى بىردەي اتوم ەلەكتر ستانساسىنىڭ جۇمىسىنا قاۋىپ ءتوندىرۋى مۇمكىن»، دەيدى بيلىك وكىلدەرى.