كاناداداعى قىتايلىقتار - الەمدەگى ەڭ ءىرى دياسپورالاردىڭ ءبىرى
كاناداداعى قىتايلار ەڭ كوپ قونىستانعان جەرلەر - تورونتو مەن ۆانكۋۆەر قالالارى. مۇندا قىتاي ءتىلى اعىلشىن جانە فرانسۋز تىلدەرىنەن كەيىنگى ءۇشىنشى رەسمي ءتىل بولىپ تابىلادى. ءتىپتى، قىتاي ءتىلىن بىلگەن جەرگىلىكتى تۇرعىندار جۇمىسقا وزگەلەرگە قاراعاندا تەزىرەك ورنالاسادى ەكەن.
كانادانىڭ بارلىق ءىرى قالالارىندا قىتاي دۇكەندەرى، كەڭسەلەرى مەن مادەني ورتالىقتارى ورنالاسقان مەكەمەلەر بار. ولاردا جىل سايىن قىتاي ەلى وكىلدەرىنىڭ كوشە فەستيۆالدارى مەن شەرۋلەرى ءوتىپ تۇرادى. دەببي گۋو كاناداعا وسىدان 20 جىل بۇرىن اتا- اناسىمەن بىرگە كوشىپ كەلگەن. وسىندا تاربيەلەنىپ، ءبىلىم العان جىگىت بۇگىندە ءۇش ءتىلدى بىردەي مەڭگەرگەن. ۇلتى قىتاي بولعانىمەن، ءدىلى - كانادالىق.
بۇگىندە كاناداعى قىتايلىقتاردىڭ باسىم بولىگى - ستۋدەنتتەر. سونداي- اق مۇندا بيزنەس ينۆەستورلارعا ارنالعان باعدارلاما بويىنشا قىتايدان قونىس اۋىستىرعان ازاماتتارىنىڭ دا قاراسى قالىڭ. ولاردىڭ كاسىبى ءناسىپ قىلىپ، كانادالىق كاسىپكەرلەرگە باسەكەلەس بولىپ جۇرگەن جايلارى بار. تاباندىلىق پەن ەڭبەكقورلىق قاشان دا وزەكتىلىگىن جويمايدى.
