قىرعىزستان حيرۋرگتەرى ۇيالى تەلەفوننىڭ جارىعىمەن جۇرەككە وپەراتسيا جاساعان- كەسكىن

استانا. قازاقپارات - وڭتۇستىك وڭىرلىك جۇرەك- قان تامىرلارى عىلىمي ورتالىعىنىڭ ديرەكتورى پروفەسسور قالداربەك ءابدىرامانوۆ 10 - قازان كۇنى Facebook الەۋمەتتىك جەلىسىندەگى ءوزىنىڭ جەكە پاراقشاسىنا تاڭقالارلىق بەينەجازبا ورنالاستىردى.

 وندا اۋرۋحانادا ەلەكتر جارىعى ءسونىپ قالعاندىقتان دارىگەرلەردىڭ حيرۋرگيالىق وپەراتسيانى ۇيالى تەلەفون جانە قول شامنىڭ جارىعىمەن جالعاستىرۋعا ءماجبۇر بولعان ءساتى كورىنىس تاپقان.

 پروفەسسور ءوزىنىڭ بۇل ارەكەتىن ەرلىك دەپ باعالامايتىنىن ايتادى. «بۇل قىلمىس پا، الدە ەرلىك پە؟ بۇعان جاۋاپ بەرۋ قيىن. نە ىستەۋىمىز كەرەك ەدى؟ تاۋەكەلگە بەل بۋىپ وتانى جالعاستىرعانىمىز دۇرىس پا، جوق، بايبالام سالىپ وپەراتسيالىق بريگادانى اياعىنان تىك تۇرعىزعانىمىز با؟ مۇندايدا جۇزدەگەن ناۋقاستىڭ ومىرىنە قاۋىپ توندىرە وتىرىپ، وتانى توقتاتۋ كەرەك پە؟ » - دەپ جازدى ول. بۇدان بۇرىن قىرعىزستان ۇكىمەتى بيىل سۋدىڭ ازدىعىنا بايلانىستى ەلدىڭ ەنەرگەتيكا سالاسى داعدارىس الدىندا تۇرعانىن حابارلاعان ەدى، دەپ جازادى russian.rt.com.

Bnews.kz