پۋتين روستوۆ وبلىسىنان اسكەردى قايتارۋدى بۇيىردى
رەسەي رەسمي اقپارات قۇرالدارىنىڭ حابارلاۋىنشا، پۋتين قورعانىس ءمينيسترى سەرگەي شويگۋعا مۇنداي بۇيرىقتى سەنبى كۇنى قاۋىپسىزدىك كەڭەسى مۇشەلەرىمەن وپەراتيۆتىك كەڭەس وتكىزگەن سوڭ بەرگەن.
پرەزيدەنتتىڭ باسپا ءسوز حاتشىسى دميتريي پەسكوۆ اڭگىمە «جاز مەزگىلىندە روستوۆ وبلىسىنداعى پوليگونداردا جاتتىعۋدان وتكەن 18 مىڭعا جۋىق اسكەري قىزمەتشىلەر» جايىندا بولىپ وتىرعانىن حابارلادى.
رەسەيلىك باسپا ءسوز بۇعان دەيىن روستوۆ وبلىسىندا اسكەري بولىمشەلەر «جاتتىعۋلار» وتكىزىپ جاتقانى تۋرالى بىرنەشە رەت حابارلاعان ەدى.
الداعى اپتادا يتاليادا باستالاتىن ەۋرو- ازياتتىق سامميت اياسىندا ۋكراينا، رەسەي، گەرمانيا جانە فرانسيا باسشىلارىنىڭ قاتىسۋىمەن كەلىسسوزدەر وتكىزۋ جوسپارلانعان. ميلانداعى سامميتكە گەرمانيا كانسلەرى، يتاليا مەن ۇلى بريتانيا ۇكىمەتتەرىنىڭ جەتەكشىلەرى، ەۋروپا وداعىنىڭ ليدەرلەرى قاتىسپاقشى.
«ازاتتىق»
