11:18, 12 - قازان 2014 | GMT +5
الماتىداعى «توي قازان» فەستيۆالىندە قازان- قازان ەت اسىلىپ، باۋىرساق ءپىسىرىلدى - فوتو
استانا. قازاقپارات - الماتى وبلىسىندا قازاقستان حالقىنىڭ ۇلتتىق اسحاناسى مەن داستۇرىنە ارنالعان Ⅱفەستيۆال ۇيىمداستىرىلىپ، 25 اسپاز قازان- قازان ەت استى. وندا پالاۋ مەن قۋىرداق، باۋىرساق ءپىسىرىلدى.
تالعار اۋدانىنداعى «الاتاۋ» شاڭعى- بياتلون كەشەنىندە اتالعان مەرەكە ارنالىپ، ارنايى الاڭ دايىندالدى، سونداي- اق قازاقشا كۇرەس، اسىق ويناۋ، مەرگەندىك ويىندارىنان سايىستار ءوتتى.
كونكۋرستا، ەرەكشە ۇلتتىق كيىمىمەن وزىق شىققان ايگەرىم قايمولدينا ۇلتتىق كيىم نوميناتسياسى بويىنشا، 1- ورىندى جەڭىپ الدى.
فەستيۆالعا جينالعاندار ءۇشىن كەڭ داستارحان جايىلىپ، قىزمەت جاسالدى. ۇلتتىق ونەر پاش ەتىلگەن جيىندا ەسترادا جۇلدىزدارى ءان شىرقادى.
