07:12, 13 - قازان 2014 | GMT +5
قازاقستاندىق ءانشى ءسوز بايلاسقان سۇيىكتىسىمەن بىرگە جول اپاتىنان كوز جۇمدى
استانا. قازاقپارات - قازاقستاندىق ءانشى انتون سامويلوۆ جول اپاتىنان قايتىس بولدى، دەپ جازادى 24kz.
بۇل تۋرالى پروديۋسەر ءادىل ليان ءوزىنىڭ الەۋمەتتىك جەلىدەگى جەكە پاراقشاسىندا حابارلاعان.
ليان ءوز پاراقشاسىندا: «ول جاقسى جىگىت ءارى جاقسى ءانشى بولاتىن. جول اپاتى كەزىندە ءسوز بايلاسقان سۇيىكتىسىمەن بىرگە كوز جۇمدى»، - دەپ جازعان. قايعىلى وقيعا وسىدان 2 كۇن بۇرىن بولعان.
انتون سامويلوۆ وتاندىق تىڭدارماندارعا «سۇيەم سەنى عانا» انىمەن تانىلعان ەدى. تالانتتى ءانشى كوبىنە ليريكالىق اندەردى ورىنداپ، تانىمال بولدى.
