الەۋمەتتىك جەلى ارقىلى الەمگە تانىلعان قازاق سۋرەتشىسىنىڭ كورمەسى وتەدى - فوتو
بۇل تۋرالى «اق بوساعا» باسىلىمى حابارلادى.
كورمە قازان ايىنىڭ 25 ىنە دەيىن جالعاسپاق. «سويلە، سۋرەت» اتتى كورمەنىڭ نەگىزىن عالامتوردا تانىمال سۋرەتتەر قۇرايدى. كورمە الەۋمەتتىك جەلىدەگى وقىرمانداردىڭ ءتول تۋىندىنى ءوز كوزىمەن كورگىلەرى كەلەتىندەردىڭ كوپتەگەن سۇراۋلارىنان كەيىن ۇيىمداستىرىلسا دا، نەگىزگى ماقساتى قازاق جاستارىنا، جالپى جاستارعا، ءتالىم تاربيەنى زاماناۋي جانە اركىمگە بىردەن تۇسىنىكتى ينفوگرافيكا ءتاسىلىن پايدالانا وتىرىپ جەتكىزۋ. سوندىقتان، كورمەنى استانانىڭ قارا شاڭىراعى ءبىلىم ورداسىندا ۇيىمداستىرۋ ءجون دەپ ۇيعارىلدى.
«كورمەنى ۇيىمداستىرۋداعا ات سالىسقانى ءۇشىن ەۋرازيا ۋنيۆەرسيتەتى رەكتورىنى ەرلان ءباتتاش ۇلىنا جانە ۋنيۆەرسيتەت ۇجىمىنا العىس بىلدىرەمىز. ۇيىمداستىرۋشىلار «سويلە، سۋرەت» كورمەسىمەن ەكى اپتاعا جۋىق ۋاقىت ىشىندە قالاداعى ءبىلىم وردالارىنىڭ كوپشىلىگىڭ ستۋدەنتەرى تانىستىرىلادى دەگەن ويدا. كورمەنى الداعى جىلى ەلىمىزدىڭ باسقا دا قالارىنا اپارۋ جوسپاردا بار» ، دەلىنگەن حابارلامادا.
سوڭعى جىلدارى الەۋمەتتىك جەلىلەردە اڭساعان مۇستافانىڭ ءار جاڭالىققا، كوتەرىلگەن پروبلەمالارعا ارناپ سالىنعان سۋرەتتەرمەن قاتار، كوبىنە ءوز سۋرەتتەرى ارقىلى قالىڭ وقىرماننىڭ نازارىن جاڭا تاقىرىپقا اۋدارىپ، تىڭ ماسەلەلەردىڭ باسىن قوزعاپ جاتاتىنى عالامتور وقىرمانىنا ءمالىم.
قازاق جاستارىنا ارناپ سالىنعان سۋرەتتەرى تۇرىك، جاپون، گرۋزين، قىرعىز، اعىلشىن، ورىس جانە تاعىدا باسقا ونشاقتى تىلدەرگە اۋدارىلىپ، الەمگە تارادى. كەيبىر سۋرەتتەرى فەيسبۋكتىڭ لاتىنامەريكالىق سەگمەنتىندە، جەرگىلىكتى ەڭ تانىمال ارتىستەردىڭ رەيتينگىسىنەن اسىپ تۇسكەن. بۇگىندە ەۋرو وداقتا تارايتىن، جاپونيادا تارايتىن جۋرنالدار ءوز بەتتەرىندە قايتا باسۋعا رۇقسات الىپ وتىر. ولارعا قايتا باسۋ قازاقستاندىق باسىلىم «اق بوساعاعا» سىلتەمە جاساپ قايتا باسۋ قۇقىعى تەگىن بەرىلدى.
