گەرمانياداعى كىتاپتار كورمەسىنە قازاق حالقىنىڭ «بابالار ءسوزى» جيناعى قويىلدى
«بابالار ءسوزى» دەپ اتالاتىن 100 تومدىق جيناققا بىزدەگى بارلىق داستاندار، پوەمالار جانە جىرلار ەنگىزىلگەن. ەندى ەرەكشە كىتاپ فرانكفۋرت-نا-ماينەدەگى كورمەگە قويىلادى.
اتا-بابامىزدان قالعان اۋىز ادەبيەت تۋىندىلارى تۇگەلدەي ءبىر جيناققا ەنگىزىلگەن. سول «بابالار ءسوزى» اتتى جيناقتى جارىققا شىعارۋ ءۇشىن ءبىزدىڭ عالىمدار ءبىرتالاي تەر توككەن. ءتىپتى وزبەكستان، موڭعوليا، قىرعىزستان، قىتاي سياقتى ەلدەردىڭ تاريحي قورلارىن اقتارىپ، تاپقاندارىن قاعازعا ءتۇسىردى. كەيىن قازاقستاندىق ادەبيەتتانۋشىلار ولاردى قالىپقا كەلتىردى. بۇدان بولەك، 100 تومعا جيناقتاپ، باسىپ شىعارعانداردىڭ ەڭبەگى تاعى بار.
«جيناقتى جارىققا شىعارۋ ءۇشىن 10 جىلعا جۋىق ۋاقىت قاجەت بولدى. ياعني، جىل سايىن 10 تومىن جاسادىق. وڭاي بولعان جوق. اسىرەسە، جاراپازان، سىڭسۋ، بەتاشار سياقتىلار بۇرىن جاريالانبايتىن.
كارى قۇرلىقتاعى تۇساۋكەسەرگە كوپتەگەن ەلدىڭ عالىمدارى مەن ادەبيەتتانۋشىلار كەلدى. بارلىعى دا «بابالار ءسوزى» جيناعىنا جوعارى باعا بەرۋدە»، - دەيدى ادەبيەتتانۋشى سەيىت قاسقاباسوۆ.
ال، چينگيز الي وگلى ەسىمدى ازەربايجان جازۋشىسى: «جيناققا قازاق حالىقىنىڭ بارلىق جىرلارى ەنگىزىلگەن. باسىم بولىگى دانالىق سوزدەردەن تۇرادى. فرانكفۋرت كىتاپتار كورمەسىنە بيىل جۇزدەن استام ەل كىتاپتارىنىڭ تۇساۋىن كەستى. ارالارىنان ءبىزدىڭ «بابالار ءسوزى» لايىقتى ورنىن الدى»، - دەپ باعا بەردى.
