قىتاي مەن قازاقستاندى جالعايتىن قاراماي- اياگوز تەمىرجول قۇرىلىسى اياقتالۋعا جاقىن
ش ق و اياگوز قالاسىنا قىتاي حالىق رەسپۋبليكاسىنىڭ شىڭجاڭ- ۇيعىر اۆتونومدى رايونى تارباعاتاي ايماقتىق وكرۋگى پارتيا كوميتەتىنىڭ ءبىرىنشى حاتشىسى جاڭ بو باستاعان دەلەگاتسيا كەلىپ قايتتى دەپ حابارلايدى ش ق و، اياگوز اۋداندىق اكىمدىگىنىڭ باسپا ءسوز قىزمەتى.
اۋداندىق اكىمدىك عيماراتىندا وتكەن ەكىجاقتى كەزدەسۋدە ءبىرقاتار وزەكتى ماسەلەلەر تالقىلاندى. اۋدان اكىمى نۇربول نۇرعاليەۆ مارتەبەلى مەيمانداردى ءوڭىردىڭ الەۋمەتتىكەكونوميكالىق جاعدايىمەن تانىستىرىپ، ەكى ايماق اراسىنداعى قارىم- قاتىناستىڭ نەعۇرلىم ءتيىمدى تۇستارىنا توقتالدى. كەزدەسۋدە قازاقستان مەن قىتاي ەلدەرى اراسىندا جاندانىپ كەلەتىن ساۋدا- ەكونوميكالىق، مادەني بايلانىستاردىڭ ومىرشەڭدىگىنە باسا نازار اۋدارىلدى. ەكى ەلدى جالعايتىن قاراماي- اياگوز تەمىرجولى تەك قازاقستان مەن قىتايعا عانا ەمەس، سونداي- اق، رەسەي، وڭتۇستىك- شىعىس ازيا جانە ەۋروپا ەلدەرى ءۇشىن اسا ماڭىزدى بولاتىنى ايتىلدى.
ايتا كەتەرلىك جايت، قىتاي ەلى اتالمىش تەمىرجول قۇرىلىسىن الدەقاشان باستاپ كەتىپتى. قاراماي قالاسىنان باستاۋ الاتىن تەمىرجولدىڭ قۇرىلىسى قازىر قازاقستاننىڭ شىعىس قاقپاسىنا تاياپ قالعان كورىنەدى دەيدى.
baq.kz
