استانادا تاپشى ماماندىقتار انىقتالدى
قازىرگى كەزدە ەڭبەك نارىعىندا تەحنيكالىق جانە قۇرىلىس ماماندارىنا سۇرانىس جوعارى، دەپ حابارلادى «استانا اقشامى» گازەتى.
اتاپ ايتقاندا، ونەركاسىپتىڭ ءتۇرلى سالالارىنداعى ينجەنەرلەر، سونىڭ ىشىندە ينجەنەر- مەحانيك، ينجەنەر- جوبالاۋشى، ينجەنەر- ەنەرگەتيك، داياشىلار، اسپاز، مونتاجداۋشىلار، ەلەكتر مامانى، ەلەكترومونتاجداۋشى- رەتتەۋشى، گازەلەكتردانەكەرلەۋشىلەر، سانتەحنيكتەر، تەمىر ۇستالارى، قىرناۋشىلار جەتىسپەيدى.
جىل باسىنان بەرى استانا قالاسىنىڭ جۇمىسپەن قامتۋ ورتالىعىنا جۇمىس ىزدەپ 3536 ادام جۇگىنسە، ولاردىڭ %55 ى - 29 عا دەيىنگى جاستار.
بيىل قىركۇيەك ايىندا توقسان جەتى ادام ون ايلىق كاسىبي دايارلاۋ كۋرسىنا وقۋعا جىبەرىلدى. ماماندار استانا قالاسى اكىمدىگىنىڭ ەنەرگەتيكا جانە بايلانىس، دانالىق جانە باسقارۋ كوللەدجدەرىندە دايارلاندى. ءجۇز الپىس ءتورت ادام گاز- ەلەكتر دانەكەرلەۋشى، تىگىنشى- ۇلگىشى، تاربيەلەۋشى، ەلەكتر مامانى، ساتۋشى- كاسسير، اسپاز ماماندىقتارىن جاڭادان مەڭگەردى.
كاسىبي ماشىقتارىن ارتتىرعىسى كەلەتىندەرگە ارنالعان بۋحگالتەر، قويما مەڭگەرۋشىسى، مەدبيكە، تاربيەشى، اعىلشىن ءتىلى، ىممەن سويلەۋ اۋدارماشىسى، اسپالى كران ماشينيسى كۋرستارى بار.
«جۇمىسپەن قامتۋ جول كارتاسى - 2020» باعدارلاماسى اياسىندا جاستارعا لايىقتى جۇمىس ورىندارىن ۇسىنۋدان باسقا، 6 ايلىق جاستار پراكتيكاسىنا قاتىسۋ مۇمكىندىگى بەرىلەدى.
