الەمدىك تاۋار نارىقتارىندا مۇنايدىڭ باعاسى ءوستى

استانا. قازاقپارات - بۇگىن الەمدىك مۇناي نارىقتارىندا مۇناي باعاسىنىڭ ءوسۋى بايقالدى. لوندوننىڭ قۇرلىقارالىق بيرجاسىندا فيۋچەرستىك مامىلەلەر سەسسياسىنىڭ سوڭىندا Brent قوسپاسىن جەتكىزۋگە كەلىسىم-شارتتار قۇنى باررەلىنە 0,21 دوللارعا ارتىپ، 90,26 دوللارعا جەتتى.

 يتار-تاسس-تىڭ حابارلاۋىنشا، نيۋ-يورك تاۋار بيرجاسىندا ساۋدا ءالى جالعاسۋدا، مۇندا دا شيكىزات باعاسىنىڭ ءوسۋى بايقالۋدا. تەحاستىق اشىق ءتۇستى مۇنايدىڭ (WTI) باعا بەلگىلەنىمى باررەلىنە 85,97 دوللاردى قۇراپ، كۇنى بويى باعا بەلگىلەنىمى 0,67 دوللارعا كوتەرىلدى.

كۇنى بويى Brent ماركالى مۇناي باعاسى باررەلىنە 90 دوللاردان تومەن ءتۇستى. «ءبىز Brent جانە West Texas Intermediate باعالارىن قولداۋدىڭ سىندارلى دەڭگەيىنە جاقىندادىق، دەپ ويلايمىن. بۇدان بۇرىن باعا 85 دوللار بولعاندا وعان وپەك ارالاسقان بولاتىن. قازىر دە سونداي شارالار قابىلدانۋى مۇمكىن دەپ ايتا المايمىن، ولار تۇتاستاي العاندا مۇنايمەن جابدىقتاۋ جونىندەگى جاعدايدى باعالاۋى ءتيىس»، - دەدى CMC Markets اعا تالداماشىسى ريك سپۋنەر.

كەيىنىرەك Brent مۇنايىنىڭ قاراشاداعى جەتكىزىلىمىنىڭ باعاسى باررەلىنە 90 دوللار دەڭگەيىنە قايتىپ ورالدى.