الماتى وبلىسىنداعى كوپبىرلىك اۋىلىن سۋ باسۋ قاۋپى ءتونىپ تۇر
سۋ بۇرىندارى اۋداننىڭ شۇرايلى شابىندىعى بولعان القاپتارىن باسىپ قالدى. 100 گەكتارعا تارتا جايىلىم القاپتارى باتپاققا اينالدى.
بۇل ماسەلەنى شەشۋ ءۇشىن سۋ بۇرۋمەن اينالىساتىن «قاراتال» ارنايى مەحانيكالاندىرىلعان جاساعى قۇرىلدى. بۇل سۋ دەڭگەيى كوتەرىلگەن جانە كۇشتى تاسقىن بولاتىن كەزدەرى وزەننىڭ ارناسىنان شىقپاۋىنا جانە قاراتال سۋى قۇيىلاتىن بالقاش كولىنىڭ دەڭگەيىن كوتەرۋگە مۇمكىندىك بەرمەك.
وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ ءبولىم باستىعى كەرىمبەك ورىنبايەۆتىڭ حابارلاۋىنشا، بۇل ماقساتقا 42 ميلليون تەڭگە ءبولىندى. بۇل كۇندەرى جاساق 75 پايىز اۋماقتا مەليوراتيۆتىك جۇمىستاردى جۇرگىزدى.
سونىمەن بىرگە، سۋ بۇرۋ قۇرىلىسى تابيعي تەپە-تەڭدىكتى جانە تۇتاستاي العاندا ەكوجۇيەنى ساقتايدى. ايتالىق، وزەن اڭعارىن قالپىنا كەلتىرۋ بالقاش كولىندە بالىقتىڭ كوبەيۋىنە دە جول اشادى.
كەلەسى جىلى «قاراتال» مەحانيكالاندىرىلعان جاساعى ءبىرقاتار كوپىرلەردى جانە اقجار اۋىلىنىڭ ماڭىنداعى وزەن اڭعارى جاعالاۋىن نىعايتۋ جۇمىستارىن جۇرگىزبەك.
