08:25, 13 - قازان 2014 | GMT +5
و ق و-دا قازاقستاندا مەكەن ەتپەيتىن قۇستار وسىرىلەدى
استانا. قازاقپارات - وڭتۇستىك قازاقستان وبلىسىندا قازاقستاندا جوق جانە سيرەك كەزدەسەتىن قۇستار وسىرىلۋدە، دەپ جازادى akshamy.kz-almaty.
بۇل كاسىپ سارىاعاش اۋدانىنا قاراستى اق ءۇي اۋىلىنداعى قۇستار باعىندا قولعا الىنىپ وتىر. تۇيەقۇستار مۇندا الماتىدان اكەلىنىپتى. بۇل قۇستاردىڭ بويى 2 مەتردەن اسادى ەكەن.
جالپى، ءۇش جىلدان بەرى قۇس ءوسىرۋدى قولعا العان شارۋاشىلىق وسى كۇنگە دەيىن تالاي جۇمىرتقا باستىرىپ شىعارعان. سيرەك كەزدەسەتىن ءارى اسەم قۇستاردىڭ باسىن كوبەيتىپ، ساتۋمەن دە اينالىسادى. مۇندا ازىرگە قاناتتىلاردىڭ 14 ءتۇرى ءوسىرىلىپ جاتىر. ولاردىڭ ىشىندە تۇيەقۇس پەن تاۋىستان بولەك، گوللانديالىق تاۋىقتار، كەكىلىكتەر، شىمشىقتار، توتىقۇس پەن قىرعاۋىل دا بار. بۇل بىرەگەي شارۋاشىلىق وسىنداي ەرەكشەلىگى ءۇشىن جۋىردا مەملەكەتتىك گرانتتى دا ۇتىپ الىپتى.
