23:04, 10 - قازان 2014 | GMT +5
ارمەنيانىڭ ە ا ە و-عا قوسىلۋى تۋرالى شارتقا قول قويىلدى
مينسك. قازاقپارات - بۇگىن مينسكىدە وتكەن جوعارى ەۋرازيالىق ەكونوميكالىق كەڭەستىڭ مەملەكەت باسشىلارى دەڭگەيىندەگى وتىرىسىندا ارمەنيانىڭ ەۋرازيالىق ەكونوميكالىق وداققا قوسىلۋى تۋرالى شارتقا قول قويىلدى.
قۇجاتتى ق ر پرەزيدەنتى ن. نازاربايەۆ، رەسەي پرەزيدەنتى ۆ. پۋتين، بەلارۋس پرەزيدەنتى ا. لۋكاشەنكو جانە ارمەنيا پرەزيدەنتى س. سارگسيان راسىمدەدى.
ايتا كەتەيىك، ق ر پرەزيدەنتى ارمەنيانىڭ ە ا ە و-عا كىرۋىنە قولداۋ بىلدىرەتىندىگىن اتاپ وتكەن بولاتىن. «مەنىڭشە، ارمەنيانىڭ وداققا قوسىلۋى تۋرالى شارتقا قول قويۋى ءۇشىن ەشقانداي كەدەرگى جوق»، - دەگەن ەدى ن. نازاربايەۆ.
ەۋرازيالىق ەكونوميكالىق وداق تۋرالى شارتقا اعىمداعى جىلدىڭ مامىرىندا قازاقستان، رەسەي جانە بەلارۋس كوشباسشىلارى استانادا قول قويعان بولاتىن. وداق جۇمىسىن 2015-جىلدىڭ 1- قاڭتارىنان باستايدى.
اۆتور: مارلان جيەمباي
