ن. نازاربايەۆ ە ە ك دەپارتامەنتتەرىندەگى قازاقستان ازاماتتارىن كوبەيتۋدى ۇسىندى

مينسك. قازاقپارات - قازاقستان ەۋرازيالىق ەكونوميكالىق كوميسسيا دەپارتامەنتتەرىندەگى قازاقستان ازاماتتارىن كوبەيتۋدى ۇسىنادى. بۇل تۋرالى بۇگىن مينسكىدە جوعارى ەۋرازيالىق ەكونوميكالىق كەڭەستىڭ مەملەكەت باسشىلارى دەڭگەيىندەگى وتىرىسىندا ەلباسى نۇرسۇلتان نازاربايەۆ ءمالىم ەتتى.

جيىن بارىسىندا ەلباسى ن. نازاربايەۆ ەۋرازيالىق ەكونوميكالىق كوميسسيا دەپارتامەنتتەرىندەگى كادرلىق ماسەلەگە ەرەكشە نازار اۋداردى.

«ءبىزدىڭ شارتقا سايكەس، دەپارتامەنتتەردەگى لاۋازىمدارعا كانديداتتاردى ىرىكتەۋ تاراپتاردىڭ ۇلەستىك قاتىسۋى مەن كوميسسيانى قارجىلاندىرۋ ەسەبىنەن كونكۋرستىق نەگىزدە جۇزەگە اسىرىلادى. بۇعان دەيىنگى كەزدەسۋلەردە مەن، ەگەر قاجەت بولعان جاعدايدا، قازاقستان رەسپۋبليكاسىنىڭ ازاماتتارى بولىپ تابىلاتىن كوميسسيا قىزمەتكەرلەرىنىڭ ۇلەسىن ارتتىرۋ تۋرالى ۇسىنىس جاساعان ەدىم، بۇل ماسەلە تالقىلانىپ، وڭ شەشىمىن تاپتى»، - دەدى مەملەكەت باسشىسى.

اۆتور: مارلان جيەمباي