ق ر پرەزيدەنتى: ارمەنيانىڭ ە ا ە و-عا قوسىلۋىنا ەش كەدەرگى جوق

مينسك. قازاقپارات - ارمەنيانىڭ ەۋرازيالىق ەكونوميكالىق وداققا قوسىلۋىنا ەش كەدەرگى جوق. بۇل تۋرالى بۇگىن مينسكىدە جوعارى ەۋرازيالىق ەكونوميكالىق كەڭەستىڭ مەملەكەت باسشىلارى دەڭگەيىندەگى وتىرىسىندا ەلباسى نۇرسۇلتان نازاربايەۆ ءمالىم ەتتى.

«بۇگىنگى وتىرىستىڭ ماڭىزدى پۋنكتى ارمەنيا رەسپۋبليكاسىنىڭ ەۋرازيالىق ەكونوميكالىق وداق شارتىنا قوسىلۋى تۋرالى شارتقا قول قويۋى بولىپ تابىلاتىندىعى ءسوزسىز. قىسقا عانا ۋاقىتتىڭ ىشىندە بارلىق قۇقىقتىق، ەكونوميكالىق ماسەلەلەر كەلىسىلدى. ونىڭ ىشىندە ارمەنيانىڭ ەۋرازيالىق ەكونوميكالىق كوميسسيا القاسىنا ۇسىنىلۋى دا بار»، - دەدى ق ر پرەزيدەنتى.

سونىمەن قاتار ەلباسى العاش رەت ە ا ە و قۇرامى كەڭەيتىلەتىندىگىن، تاعى ءبىر مۇشە قوسىلاتىندىعىن ايتىپ، ارمەنيانىڭ وداققا كىرۋىنە قولداۋ بىلدىرەتىندىگىن اتاپ ءوتتى.

«مەنىڭشە، ارمەنيانىڭ وداققا قوسىلۋى تۋرالى شارتقا قول قويۋى ءۇشىن ەشقانداي كەدەرگى جوق»، - دەدى ن. نازاربايەۆ.

اۆتور: مارلان جيەمباي