بەيبىتشىلىك سالاسىنداعى نوبەل سىيلىعى ەكى قۇقىققورعاۋشىعا بەرىلدى
لاۋرەاتتاردى ماراپاتتاۋ ءداستۇر بويىنشا 10 - جەلتوقساندا ستوكگولمدە وتەدى.
پاكىستاندىق وقۋشى مالالا يۋسۋفزاي قىزداردىڭ ءبىلىم الۋ قۇقىعىن قورعايتىن ناۋقاندى باسقارعان بولاتىن، 2012 - جىلى بۇعان قارسى بولعان تالىپتەر بەلسەندىنى باسىنان اتىپ، اۋىر جارالادى. كايلاش ساتيارتي - بالالار قۇلدىعىنا قارسى وڭتۇستىك ازيا كواليتسياسىنىڭ (South Asian Coalition on Child Sewitude) جەتەكشىسى.
نوبەلدىڭ بۇل سىيلىعىنا 278 ۇمىتكەر بولدى، ونىڭ 47 سى - قوعامدىق جانە حالىقارالىق ۇيىم. سىيلىق يەگەرلەرىنىڭ اراسىندا جولى بولۋى مۇمكىن ادامدار رەتىندە امەريكالىق ەدۆارد سنوۋدەن، ريم پاپاسى فرانتسيسك پەن مالالا يۋسۋفزاي اتالعان بولاتىن.
بۋكمەكەرلىك كومپانيا ويىنشىلارى ۇسىنعان تىزىمدەردە دە وسى ادامدار بولدى، - دەپ حابارلايدى ريا نوۆوستي. ولاردىڭ اراسىندا ريم پاپاسى مەن سنوۋدەننەن بولەك، سوعىس ۋاقىتىندا زورلانعان ايەلدەرگە كومەك كورسەتكەن كونگولىق گينەكولوگ دەنيس مۋكۆەگە، بۇۇ باس حاتشىسى پان گي مۋن جانە نەمىس مەملەكەتتىك قايراتكەرى گەلمۋت كول دا بولدى.
بەيبىتشىلىك سالاسىنداعى نوبەل سىيلىعى 2013 - جىلى حيميالىق قارۋعا تىيىم سالۋ جونىندەگى ۇيىمعا بەرىلگەن بولاتىن. 2012 - جىلى بۇل سىيلىقتى "ەۋروپانى بىرىكتىرۋگە جانە ونى سوعىس قۇرلىعىنان بەيبىتشىلىك قۇرلىعىنا اينالدىرعانى ءۇشىن" ەۋرووداق يەلەندى.
«الاش ايناسى»
