قىتايدا تۇتقىندالعان اقجارقىن تۇرلىبايدىڭ ءىسى قايتا تەرگەلۋ ءۇشىن كەرى قايتارىلدى
قازاقستان ازاماتشاسى ەسىرتكى تاسىمالىنا قاتىسى بار دەگەن كۇدىكپەن قىتايدا تۇتقىندالعان بولاتىن.
«تەرگەۋ ءالى دە جالعاسۋدا، ازىرگە ءىس سوتتىڭ قاراۋىنا بەرىلگەن جوق. قىتايدا دا بىزدەگى سەكىلدى الدىمەن ءىس تەرگەلەدى، ودان كەيىن پروكۋراتۋراعا بەرىلەدى. قازىر قانداي دا ءبىر اقپارات الۋ قيىن. ويتكەنى بۇل ەكى مەملەكەتتىڭ دە قاتىسى بار ءىس قوي. ازىرگە ءىستى قايتا تەرگەۋ ءۇشىن كەرى قايتاردى، سوتتىڭ قاشان بولاتىنى بەلگىسىز»، - دەيدى ادۆوكات نۇرماعامبەتوۆ. اقجارقىننىڭ اتا-اناسى وڭتۇستىك قازاقستان وبلىسىندا، ال كۇدىكتىنىڭ ءوزى قاماۋدا وتىر.
ەستەرىڭىزگە سالا كەتەيىك، بۇرىن حابارلاعانىمىزداي، قىتايدا تۇتقىندالعان اقجارقىن تۇرلىبايدى ەكى ادۆوكات قورعايدى. مۇنداي كەلەڭسىز جاعدايعا 20 جاستاعى اقجارقىن وسى جىلدىڭ ناۋرىز ايىندا ۇرىنعان ەدى. ونى قىتايعا الدەبىر زاتتاردى جەتكىزىپ بەر دەگەن سىلتاۋمەن الەنا جانە دجوني دەگەن بەلگىسىز بىرەۋلەر جىبەرگەن كورىنەدى. ولار بۇرىن الماتىداعى بارلاردىڭ بىرىندە جۇمىس ىستەگەن ەكەن. سونىمەن اقجارقىننىڭ جۇكتەرىنىڭ اراسىنان ەسىرتكى تابىلعان. 3- ناۋرىزدا جاس قىز گۋانجۋ اۋەجايىندا تۇتقىندالدى. قىتايدا ەسىرتكى كونترابانداسى ءۇشىن وتە كوپ مەرزىمگە قاماۋى مۇمكىن، ءتىپتى ونى ءومىر بويى باس بوستاندىعىنان ايىرۋى دا ىقتيمال. الايدا اقجارقىننىڭ اناسى قىزىنىڭ الدانىپ قالعانىن ايتىپ وتىر.
