اكىم ازيادا جەڭىمپازدارىنا ميلليون تەڭگەدەن تاپسىردى
قازاقستان رەسپۋبليكاسىنىڭ ۇلتتىق قۇراماسى جارىس قورىتىندىسى بويىنشا 28 التىن، 22 كۇمىس، 32 قولا، بارلىعى 82 مەدالعا قول جەتكىزىپ، كوماندالىق ءتورتىنشى ورىنعا يە بولسا، سولاردىڭ ىشىندە 32 مەدال وڭتۇستىك قازاقستاننىڭ ەنشىسىندە. اتالعان سپورتتىق ءىس-شاراعا وڭىردەن سپورتتىڭ 16 ءتۇرى بويىنشا 62 سپورتشى قاتىسىپ، ناتيجەسىندە 9 التىن، 6 كۇمىس جانە 17 قولا يەلەندى. جەڭىمپاز سپورتشىلار مەن جاتتىقتىرۋشىلاردى قۇتتىقتاعان وبلىس اكىمى التىن جۇلدەگەرلەرگە 1 ميلليون ال، كۇمىس جانە قولا يەگەرلەرىنە 750 جانە 500 مىڭ تەڭگەلىك سەرتيفيكاتتار تابىستادى. «جەڭىستەرىمىز بەن جەمىستەرىمىز كوپ بولسىن» دەگەن ايماق باسشىسى بارلىق وڭتۇستىك قازاقستاندىقتاردىڭ اتىنان كوك تۋىمىزدى جەلبىرەتىپ، ەلىمىزدىڭ مەرەيىن اسقاقتاتقان سپورتشىلاردى قۇتتىقتادى.
ماراپاتتاۋ راسىمىندە بوكستان الەم چەمپيونى جانە جازعى ازيادا ويىندارىنىڭ كۇمىس جۇلدەگەرى ءبىرجان جاقىپوۆ وبلىس اكىمى اسقار مىرزاحمەتوۆتى بارلىق سپورتشىلار اتىنان قۇتتىقتاپ، جەڭىس كۋبوگىن سىيعا تارتتى، دەپ حابارلادى وبلىس اكىمىنىڭ باسپا ءسوز قىزمەتى.
