قازاق بالاسى ويلاپ تاپقان بەسىك ساتىلىمعا شىقتى

استانا. قازاقپارات - قازاقتا بەسىككە بولەۋ ءداستۇرى ەرتەدەن كەلە جاتىر. جاڭا تۋعان نارەستە بەسىكتە جىلى ءارى تازا جاتادى. شىبىن-شىركەي، ماسا دا مازالامايدى. مۇنىمەن قاتار اتتىڭ جالى، تۇيەنىڭ قومىندا جۇرەتىن حالقىمىز ءۇشىن بەسىكپەن كوشىپ ءجۇرۋ وتە ىڭعايلى بولعان.

بەسىككە بولەنگەن بالانىڭ مىنەزى دە ەرەكشە جايدارلى، سوزگە توقتايتىن، سابىرلى كەلەدى. زامانىنا قاراي ادامى دەمەكشى، ونەرتاپقىشتاردىڭ دا ەڭبەگى جاڭا زامان تەحنيكاسىمەن ۇيلەسۋدە.

ەستەرىڭىزدە بولسا، استاناداعى ل. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ ماگيسترانتى سەرىكبول شايمارداننىڭ ەلەكتروندى بەسىك ويلاپ تاپقاندىعى تۋرالى اقپاراتتى ب ا ق وكىلدەرى جارىسا جازعان بولاتىن. ەندى مىنە، سول SmartBesik-ءتىڭ جاڭا 4 vip نۇسقاسى كوپشىلىككە تانىستىرىلۋدا، دەپ حابارلادى 24.kz.

سەرىكبول شايماردان: «ءدال وسىنداي قازاقى ناقىشتاعى ويۋ-ورنەكتەرىمەن بەزەندىرىلگەن بەسىك جاساۋدى كوپتەن بەرى ويلاپ جۇرگەن ەدىم. وسى ويىمدى جىلدام جۇزەگە اسىرۋىما ا ق ش-تاعى قانداس باۋىرىمىزدىڭ تاپسىرىسى سەبەپ بولدى. ول سابيىمە بارىنشا جايلى، ءارى وسىنداعى شەتەلدىكتەرگە مىناۋ قازاقتىڭ بەسىگى دەپ كورسەتۋگە ابدەن لايىق بولسىنشى دەپ وتىنگەن ەدى...»، - دەيدى.

بەسىكتى وندىرەتىن «Smart besik"» ج ش س كومپانياسى قازاقستاندىق ەسترادا جۇلدىزدارى ورىندايتىن بەسىك جىرلارى جازىلعان قوندىرعىنىڭ بار ەكەنىن حابارلايدى.

مۇنىمەن قاتار smart بەسىك اۆتورى سەرىكبول شايماردان ونەركاسىپ ۇلگىسىنە پاتەنت العاندىعىمەن ءبولىستى.

Vip بەسىكتىڭ 4 ءتۇرىنىڭ ءارقايسىسىن 50000-نان 110000 تەڭگە ارالىعىنداعى باعادا ساتىپ الۋعا بولادى.