سىرقاتتانىپ قالعان كەڭەس وداعىنىڭ سوڭعى پرەزيدەنتى وكىنىشى تۋرالى ايتتى

استانا. قازاقپارات- كەڭەس وداعىنىڭ سوڭعى پرەزيدەنتى - ميحايل گورباچيەۆ قاتتى سىرقات حالىنىڭ ناشارلاعانى سونشا قارت ساياساتكەردى شۇعىل اۋرۋحاناعا جەتكىزۋگە تۋرا كەلگەن.

 82 جاستاعى گورباچيەۆ ۇزاق جىلدان بەرى قانت ديابەتىنە شالدىققان.

دەسە دە اۋرۋى اسقىنعانى بولماسا، ازىرگە ومىرىنە تونەر قاۋىپ جوق. بۇل تۋرالى گورباچيەۆ اتىنداعى قوردىڭ حاتشىلارى، ماسكەۋلىك دارىگەرلەردىڭ سوزىنە سىلتەمە جاساپ، رەسمي حابارلاپ وتىر. ايتپەسە، رەسەي مەن ەۋروپانىڭ كەي باسىلىمدارىندا ساياحاتكەر «ءولىپتى» دەگەن دە جاڭالىق تاراپ جاتقان كورىنەدى.

 ال ميحايل گورباچيەۆ جۋرناليستەرگە بەرگەن سوڭعى سۇحباتىندا، تەك ءبىر نارسەگە وكىنەتىنىن ايتىپتى. ول - جەلتوقساننىڭ 10 نا بەلگىلەنگەن وسلوداعى «نوبەل» سىيلىعىن تابىستاۋ سالتاناتىنا قاتىسا المايتىنى. 20- عاسىرداعى ادامزات تراگەدياسىنا اينالعان «قىزىل يمپەريانى» قۇلاتۋعا جانە بوداندىق قامىتىن كيگەن 14 ەلدىڭ تاۋەلسىزدىك الۋىنا سەپتىگى تيگەن قايراتكەردىڭ ءوزى بۇل سىيلىقتى 90- جىلى العان.