ا ق ش-تى باسىپ وزعان قىتاي الەمدەگى ەڭ ءىرى ەكونوميكاعا اينالدى
قىتايدىڭ ساتىپ الۋ قابىلەتىنىڭ تەپە-تەڭدىگىمەن ەسەپتەلگەن جالپى ىشكى ءونىمى 17,6 تريلليون دوللارعا جەتتى.
ا ق ش كورسەتكىشى 17,4 تريلليون دوللار. بۇل كورسەتكىشتەر حالىقارالىق ۆاليۋتا قورىنىڭ بايانداماسىنا نەگىزدەلگەن دەپ جازىلعان باسىلىمدا.
باسىلىم، وسىلايشا، 2014 -جىلدىڭ قورىتىندىسى بويىنشا، قىتاي رەسمي تۇردە الەمدەگى ەڭ ءىرى ەكونوميكاعا اينالادى دەپ بولجادى.
بريتان گازەتى قۇرامىنا برازيليا، ءۇندىستان، يندونەزيا، قىتاي، مەكسيكا، رەسەي جانە تۇركيا ەلدەرى كىرەتىن جاڭا "ۇلكەن جەتىلىكتىڭ" پايدا بولعانىن بەلگىلەپ وتىر. بۇل ەلدەر س ق پ بويىنشا ەسەپتەلگەن جالپى ىشكى ونىمدە ۇلكەن جەتىلىك - ۇلى بريتانيا، گەرمانيا، يتاليا، كانادا، ا ق ش، فرانسيا جانە جاپونيا ەلدەرىن وزدى. دەمەك، 37,8 تريلليون دوللار 34,5 تريلليون دوللارعا قارسى.
Financial Times ماماندارى بۇل مالىمەتتەردى الەمدىك ارەناداعى كۇشتەر تەپە-تەڭدىگىنىڭ شۇعىل وزگەرىسكە ۇشىرايتىنىن كورسەتىپ وتىر: "ەندى رەيتينگتىڭ ءبىرىنشى جيىرمالىعىنىڭ جارتى پوزيتسياسىن ەكونوميكاسى دامۋشى ەلدەر الادى".
حالىقارالىق ۆاليۋتا قورى مالىمەتىنشە، قىتايدىڭ جالپى ىشكى ءونىمى 1980 - جىلى امەريكالىق كورسەتكىشتىڭ وننان ءبىر بولىگىندەي بولعان. 2020 - جىلعا جالپى ىشكى ءونىم ا ق ش كورسەتكىشىنەن 20 پايىزعا اسىپ ءتۇسۋى مۇمكىن. 1980 - جىلى قىتاي ەكونوميكاسىنىڭ ءوسۋى ورتاشا 9,8 پايىزعا، ال ا ق ش ەكونوميكاسىنىڭ ءوسۋى 2,7 پايىزعا تەڭ بولعان.
قىتاي حالقىنىڭ جان باسىنا شاققانداعى ەل ەكونوميكاسىنىڭ كولەمى بۇرىنعىشا ا ق ش جالپى ىشكى ءونىمىنىڭ تورتتەن ءبىر بولىگىنە تەڭ دەپ جازادى "ۆەستي. ەكونوميكا".
ساتىپ الۋ قابىلەتىنىڭ تەپە- تەڭدىگى قازىرگى نارىق كۋرسىن ەمەس، بەلگىلى ءبىر تاۋار مەن قىزمەتتى ساتىپ الۋ مۇمكىندىگىنە قاراي ۆاليۋتالاردىڭ ءوزارا قاتىناسىن ەسەپكە الادى
Tengrinews.kz
