رەسەيگە «يسلام مەملەكەتى» سەس كورسەتتى

استانا. قازاقپارات - «يسلام مەملەكەتى» ۇيىمىنىڭ ءبىر قولباسشىسى شەشەن-ومار ەسىمىمەن تانىمال تارحان باتيراشۆيلي رەسەيدىڭ وڭتۇستىك ولكەلەرىنە شابۋىل جاسايتىنىن ەسكەرتتى، دەپ حابارلايدى ر ب ك.

Bloomberg اگەنتتىگىنىڭ دەرەكتەرىنە سۇيەنسەك، گرۋزيا مەن شەشەنستان شەكاراسىنداعى شاتقالدا جاسىرىنىپ جۇرگەن تارحان باتيراشۆيلي ءوز اكەسىمەن سويلەسكەن ۋاقىتتا: «اكە، ۋايىمداماڭىز، مەن ەلگە ورالعان سوڭ ءالى-اق بۇل ورىستاردىڭ كوكەسىن كوزدەرىنە كورسەتەمىن. قازىر مىڭداعان شاكىرتىم بار، ولاردىڭ سانى كۇن ساناپ ارتىپ جاتىر. جاقىن ارادا رەسەيگە كەتكەن ەسەمىزدى قايتارامىز» - دەگەن كورىنەدى.

باتيراشۆيليدىڭ ارتىنان ەرگەندەرگە رەسەيدىڭ كاۆكاز ەلدەرىنە تىزەسىن باتىرىپ وتىرعانى ۇنامايدى. رەسەيدىڭ بار نازارىن ۋكرايناعا اۋدارىپ وتىرعانىن پايدالانىپ، گرۋزيندەر تۇتقيىلدان شابۋىل جاساماق نيەتتە. ءسويتىپ، 2008 - جىلى ابحازيا مەن وڭتۇستىك وسەتيا وڭىرلەرىندە سەپاراتيستەرگە اسكەري قولداۋ كورسەتكەنى ءۇشىن ەسە قايتارۋدى كوزدەپ وتىر.

قىركۇيەكتە لاڭكەستىك ۇيىمنىڭ سودىرلارى YouTube سايتىندا پۋتينگە قاراتا ايتىلعان بەينەروليك جاريالاپتى. وندا: «سەنىڭ تاعىڭ شاتقاياقتاپ تۇر» - دەگەن سارىنداعى جازبا جولداعان. سونىمەن قاتار، ولار پۋتيندى سيريا پرەزيدەنتى باشار اسادقا قولداۋ كورسەتىپ وتىر دەپ ايىپتايدى.

مۇنىڭ الدىندا Al Arabiya تەلەارناسى ءبىر حابارىندا لاڭكەستەر جاعىندا شەشەنستان مەن گرۋزيا ازاماتتارى سوعىسىپ جاتقانىن ايتقان ەدى.

لاڭكەستەردىڭ بۇل ۇندەۋىنە ءبىرىنشى بولىپ رامزان قادىروۆ جاۋاپ قاتتى: «ەسسىزدەر! اينالدىرعان ەكى ۇشاقپەن شەشەنستان مەن بۇكىل رەسەيدى قورقىتقىسى كەلەدى. ولار نەگە 2 ەمەس 2 مىڭ ۇشاققا مىنبەيدى، رەسەيگە ءبارىبىر جەتە المايدى. وسىنداي ويدى ايتقان ادامدا ەس جوق ەكەن، ۆلاديمير پۋتيننىڭ ەسىمىن قالاي عانا اتادى ەكەن. «يسلام مەملەكەتى» ۇيىمىنىڭ مۇشەلەرى يسلامعا تۇك قاتىسى جوق جاي عانا لاڭكەستەر. ولار كەرىسىنشە، بۇكىل يسلام الەمىنىڭ جاۋى».

BNews.kz