ادەبيەتتەن نوبەل سىيلىعىنىڭ جاڭا لاۋرەاتى جوعالىپ كەتتى
ونىڭ سوڭعى رومانىن باسىپ شىعارعان Gallimard باسپاسى دا ونىمەن حابارلاسا الماي وتىرعاندارىن العا تارتىپ وتىر. «بىزگە شۆەد اكادەمياسىنىڭ باسشىلىعى موديانوعا ادەبيەتتەن نوبەل سىيلىعىنىڭ جۇلدەگەرى اتاندىڭىز دەگەن ءسۇيىنشى حاباردى جەتكىزۋ ءۇشىن دە بايلانىسقا شىعا الماي وتىرعانى بەلگىلى»، - دەپ حابارلادى Gallimard باسپاسىنان.
بۇگىنگە دەيىن بىردە-ءبىر جۋرناليست موديانودان سۇحبات الىپ كورمەگەن ەكەن.
ادەبيەتتەن نوبەل سىيلىعى لاۋرەاتىنىڭ ەسىمى كەشە عانا، 9 - قازاندا بەلگىلى بولدى. ادەبيەتشى قالامىنان وسى كۇنگە دەيىن 30 رومان دۇنيەگە كەلىپتى.
موديانونىڭ «جۇلدىز الاڭى» اتتى العاشقى كىتابى 1968 - جىلى جارىققا شىققان. وعان الەمدىك اتاق الىپ كەلگەن دە وسى كىتاپ بولاتىن. اۆتوردىڭ بارلىق دەرلىك كىتاپتارى ەكىنشى دۇنيەجۇزىلىك سوعىستا فرانسيانى باسىپ الۋ كەزىندەگى ادامداردىڭ اۋىر تاعدىرلارىمەن بايلانىستى.
