كيم چەن ىن ەمدەلۋگە دەمالىس الدى
ك ح د ر باسشىلىعى ماڭايىنداعىلاردىڭ ايتۋىنا قاراعاندا، كيم چەن ىن اسكەري جاتتىعۋ كەزىندە جاراقات العان. «ول بارلىق گەنەرالدارعا وقۋ-جاتتىعۋعا قاتىسۋدى بۇيىرىپ، ولارمەن بىرگە اسكەري تاپسىرمالاردى ورىندادى. ولار ەڭبەكتەدى، جۇگىردى، سەكىردى. وسى كەزدە كوشباسشىنىڭ ءسىڭىرى زاقىمداندى»، - دەپ ءتۇسىندىردى دەرەككوزى.
ول ك ح د ر باسشىسى مەملەكەتتىك ىستەردى تولىق باقىلاۋدى ۇستايتىنىن جەتكىزدى.
كيم چەن ىن حالىق الدىنا ءبىر ايدان بەرى شىقپاعاندىقتان، ول تۋرالى ءتۇرلى قاۋەسەت تاراپ كەتكەن. كەيبىر ب ا ق قۇرالدارىندا ك ح د ر باسشىسىن ونىڭ كىشى قارىنداسى كيم چجون تاقتان قۇلاتتى، ءتىپتى كيم چەن ىن قازا بولدى دەگەن اقپاراتتار جاريالانعان. 10- قازاندا كيم چەن ىن كورەي ەڭبەك پارتياسىنىڭ 69 جىلدىعىنا قاتىسا الماعان، وسىدان كەيىن ول تۋرالى ءتۇرلى قاۋەسەت تاراعان.
Alashainasy.kz
