سولتۇستىك قازاقستان جەرىنەن عارىشتىق سپۋتنيك ارقىلى الىنعان سۋرەتتەردە تاڭعاجايىپ ەسكەرتكىشتەر بايقالدى - فوتو
زەرتتەۋشىلەردىڭ قاتارىندا بولعان عالىم يرينا شيەۆنينانىڭ ايتۋىنشا، بۇل گەوگليفتەردى جەر بەتىندە جۇرگەندەر بايقاي المايدى. تەك اۋەدەن قاراعاندا عانا كورىنەدى.
«سىزدەر Google Earth ارقىلى قازاقستاننىڭ سولتۇستىك وڭىرلەرىن باقىلاساڭىز بۇل گەوگليفتەردى انىق كورە الاسىز. شىنى كەرەك، ءبىز بۇل گەوگليفتەرگە كەزدەيسوق تاپ بولدىق. سپۋتنيك ارقىلى الىنعان سۋرەتتەر وراسان ۇلكەن كولەمدەگى شارشىلار مەن دوڭگەلەكتەردى جانە ايقىشتاردى كورسەتەدى. بۇل سۋرەتتەردەن قورعانداردى دا انىق بايقايسىز»، - دەيدى ي. شيەۆنينا.
مۇنداي سۋرەتتەردى عالىمنىڭ ارىپتەسى دەۆيد توماس اۋعانستان اۋماعىنان دا تاپقانىن ايتىپ وتىر. ول 670 تەن استام گەوليفتى اشقان. اسىرەسە رەگيستان شولىندە گەوگليفتەر كوپتەپ كەزدەسەدى ەكەن.
وتكەن جىلى (2013 -جىلى - رەد. ) عالىم ي. شيەۆنينا مەن ارىپتەسى اندرەي لوگۆين ليتۆانىڭ ۆيلنيۋس ۋنيۆەرسيتەتىنىڭ عالىمدارىمەن بىرىگىپ قوستاناي جەرىندە زەرتتەۋ جۇمىستارىن جۇرگىزگەن بولاتىن. زەرتتەۋ جۇمىستارىنىڭ ناتيجەسى تاياۋدا ستامبۋلدا وتكەن حالىقارالىق كونفەرەنتسيادا جاريالاندى. ەلىمىزدىڭ سولتۇستىك وڭىرىندە گەوگليفتەر بار ەكەنىن دە وسى كونفەرەنتسيادا جاريالاندى. كونفەرەنتسياعا قاتىسقان عالىمدار «قازاقستان جەرىنەن تابىلعان گەوگليفتەردىڭ بىرەۋى ەجەلگى ادامداردىڭ قولىمەن تۇرعىزىلعان. قالعانى جۇمباق كۇيىندە» قورىتىندىعا كەلگەن.
انىقتاما ءۇشىن ايتا وتەيىك، گەوگليف دەگەنىمىز اۋەدەن قاراعاندا انىق كورىنەتىن، ءتۇرلى گەومەتريالىق پىشىندەردە بولاتىن قاتارلاسا ورنالاسقان، تاريحي- گەوگرافيالىق كەشەندەر تىزبەگى.
نۇرسەرىك جولبارىس
