كارىم ءماسىموۆ: قازاقستان جاقىن ارادا دۇنيەجۇزىلىك ساۋدا ۇيىمىنا قوسىلۋ كەلىسىمىن اياقتايدى

استانا. قازاقپارات - قازاقستان جاقىن ارادا د س ۇ- عا قوسىلۋ كەلىسىمىن اياقتايدى. بۇل تۋرالى بۇگىن قازاقستاننىڭ ماشينا جاساۋشىلارى فورۋمىندا ق ر پرەمەر- ءمينيسترى كارىم ءماسىموۆ ءمالىم ەتتى.

«ءبىز قازىرگى كەزدە كەلىسسوزدەردىڭ فينالدىق كەزەڭىندەمىز. مەنىڭ ويىمشا، الداعى ايلاردا قازاقستاننىڭ دۇنيەجۇزىلىك ساۋدا ۇيىمىنا قوسىلۋى تۋرالى كەلىسىمدى بارلىق ەلدەرمەن اياقتايتىن بولامىز»، - دەدى ۇكىمەت باسشىسى.

وسى ماسەلەنىڭ ماڭىزدىلىعانا توقتالعان ك. ءماسىموۆ، «قازاقستان اۋماعىنا كەلىپ، جۇمىس ىستەپ جۇرگەن ينۆەستور بارشا الەم بويىنشا كومپانيالارمەن سەرىكتەسىپ قىزمەت ەتۋ مۇمكىندىگىن الاتىنىنا، ەكىنشىدەن، قازاقستان ايقىندالعان ويىن شارتتارىن ورىندايتىندىعىنا سەنىمدى بولۋى ءۇشىن ماڭىزدى»، - دەدى.

اۆتور: رۋسلان عابباسوۆ