ادەبيەت سالاسى بويىنشا نوبەل سىيلىعىنىڭ يەگەرى بەلگىلى بولدى
بۇل شەشىمدى جاڭا عانا شۆەد اكادەمياسىنىڭ «نوبەل» سىيلىعى جونىندەگى جاۋاپتى حاتشى پەتەر ەنگلۋند مالىمدەدى.
نوبەل سىيلىعى فرانسۋز جازۋشىسىنا «باسقىنشىلىق كەزىندە ءومىر سۇرگەن ادامدارنىڭ اقىلعا سىيماس تاعدىرلارىن باياندايتىن ماڭگىلىك ەستەلىگى ءۇشىن» تابىس ەتىلدى. موديانونىڭ شىعارمالارى فرانسيانىڭ ەكىنشى دۇنيەجۇزىلىك سوعىس كەزىندەگى باسقىنشىلىق تاقىرىبىمەن بايلانىستى.
پاتريكۋ موديانو قازىر 69 جاستا. ونىڭ اكەسى - يتاليادان شىققان يەۆرەي، اناسى - بەلگيالىق اكتريسا. موديانونىڭ اكە- شەشەسى ۇلتتىق باسقىنشىلىق كەزىندە پاريجدە جولىققان. بولاشاق جازۋشى ەكىنشى دۇنيەجۇزىلىك سوعىستان وتكەننەن كەيىن، 1945 - جىلى پاريجدە دۇنيەگە كەلگەن.
جازۋشى 2012 - جىلى ەۋروپا ادەبيەتى بويىنشا اۆستارليانىڭ مەملەكەتتىك سىلىعىنىڭ لاۋرەاتى اتانعان. موديانونىڭ ورىس تىلىنە اۋدارىلعان «ۋتراچەننىي مير» ، «دورا بريۋدەر» ، «كافە ۋتراچەننوي مولودوستي» ، «گوريزونت» جانە «مالەنكوە چۋدو» سىندى تۋىندىلارى بار.
ماراپاتتاۋ ءراسىمى ءداستۇرلى تۇردە 10 - قازان كۇنى ستوكگولمدە، نوبەل سىيلىعىنىڭ نەگىزىن قالاۋشى عالىمنىڭ قايتىس بولعان كۇنى وتەدى. شۆەد اكادەمياسىن 1786 - جىلى كورول گۋستاۆ Ⅲفرانتسۋز ۇلگىسىندە شۆەد ءتىلى مەن ادەبيەتىن دامىتۋ ماقساتىندا اشقان. كوميسسيا قۇرامىندا 18 مۇشە بار، ولار اكادەميانىڭ تۇراقتى وكىلدەرىنىڭ داۋىس بەرۋى بويىنشا سايلانادى.
دايىنداعان: نۇرجىگىت ايدارحان
massaget.kz
