قازاقستاندا گەولوگيالىق بارلاۋعا جاڭا تەحنولوگيالار قولدانىلاتىن بولادى

استانا. قازاقپارات - «قاز گەو تەح» كومپانياسى كەشەندى ايرو گەو فيزيكالىق ءتۇسىرۋدى جۇرگىزۋگە مۇمكىندىك بەرەتىن زاماناۋي مامانداندىرىلعان ۇشاقتى ۇسىندى.

«قاز گەو تەح» ۇشاقتى پايدالانا وتىرىپ گەوفيزيكالىق تۇسىرۋدەن باسقا، اۋە ءتۇسىرىلىمىن ورىندايتىن ZTEM جانە VTEM بىرەگەي تىكۇشاق ەلەكترماگنيتتىك جۇيەلەرىن قولدانۋدى جوسپارلايدى.

كومپانيانىڭ الەۋەتتى تاپسىرىس بەرۋشىلەرى ءبىرقاتار الەمدىك كومپانيالار بولدى: RioTinto اۆستراليا- بريتاندىق كونتسەرنى، Iluka اۆستراليالىق كومپانياسى جانە «قازتسينك» ج ش س. جۇمىستار اقمولا، سولتۇستىك قازاقستان، قوستاناي، شىعىس قازاقستان جانە قاراعاندى وبلىستارىندا جۇرگىزىلەدى.

وسىلايشا، «قاز گەو تەح» 2016 - جىلعا دەيىن جۇمىس كولەمىمەن قامتاماسىز ەتىلدى.

 ايتا كەتەتىن جايت، «قاز گەو تەح» ج ش س- ءىن مەملەكەت باسشىسىنىڭ تاپسىرماسى بويىنشا «GeoTech» كانادالىق كومپانياسىمەن بىرلەسە وتىرىپ ق ر  ي د م «قاز گەولوگيا» ا ق قۇردى.

كومپانيانىڭ باستى مىندەتى قازاقستاننىڭ گەولوگيالىق بارلاۋ سالاسىنا الەمدىك دەڭگەيدەگى زاماناۋي ادىستەمەلەر مەن تەحنولوگيالاردى ەنگىزۋ بولىپ تابىلادى. كومپانيا بۇكىل ورتالىق ازيا ءوڭىرىنىڭ اۋماعىندا ايرو گەو فيزيكالىق زەرتتەۋلەردى جۇرگىزۋگە ارنالعان. جۇمىستا جاڭا تەحنولوگيالاردى پايدالانا وتىرىپ، «قاز گەو تەح» پەرسپەكتيۆالى الاڭدار بويىنشا بىرەگەي سيفرلىق اقپاراتتى الاتىن بولادى جانە كەيىنگى گەولوگيالىق بارلاۋ جۇمىستارىنىڭ تاۋەكەلدەرىن ازايتا الادى. كومپانيانىڭ جوبالارىن جۇزەگە اسىرۋ توڭىرەگىندە قازاقستاندىق ماماندار بولاشاقتا جۇمىسقا ورنالاستىرىلىپ، جاڭا جانە وزىق جابدىقتا وقىتىلادى.