07:36, 10 - قازان 2014 | GMT +5
ميحايل گورباچيەۆ اۋرۋحاناعا ءتۇستى
استانا. قازاقپارات - ك س ر و- نىڭ العاشقى جانە سوڭعى پرەزيدەنتى ميحايل گورباچيەۆتىڭ دەنساۋلىعى سىر بەرىپ، اۋرۋحاناعا ءتۇستى، دەپ جازادى روس بالت.
بۇل تۋرالى ول ءوزى جاڭالىقتار قىزمەتىنە حابارلاعان.
ونىڭ ايتۋىنشا، اۋرۋحاناعا تۇسەر الدىندا دەنساۋلىعى كۇرت ناشارلاپ كەتكەن.
«سوڭعى ءبىر اپتادا بىرەسە جاقسارىپ، بىرەسە ناشارلاپ قۇبىلىپ تۇردى. قازىر اۋرۋحانادامىن. مونيتورينگتە جاتىرمىن» ، - دەيدى گورباچيەۆ.
سونداي- اق، ول دەنساۋلىعىنا بايلانىستى نوبەل اپتالىعىن تولىق باقىلاي المايتىندىعىنا قىنجىلىس ءبىلدىردى.
ايتا كەتەيىك، م. گورباچيەۆ 1990 - جىلى الەمدىك نوبەل سىيلىعىنىڭ لاۋرەاتى اتانعان.
