بەيجىڭدى قويۋ ءتۇتىن تۇمشالاپ تۇر

استانا. قازاقپارات - قىتاي استاناسىندا قويۋ ءتۇتىن سالدارىنان قاۋىپتىڭ سارعىلت بەلگىسى جاريالاندى. بۇل قىزىل دەڭگەيدەن كەيىنگى ەكىنشى ورىندا تۇرعان قاۋىپتىلىك دەڭگەيى.  

بۇگىندە بەيجىڭدەگى اۋانىڭ لاستانۋ يندەكسى 400 بىرلىكتەن اسادى، سوندىقتان قالانىڭ ءبىرقاتار اۋدانىندا كورۋ مۇمكىندىگى 500 مەتردەن اسپايدى.   

بەيجىڭ مەتەورولوگيالىق ورتالىعىنىڭ ساراپشىلارى قىتايلىق استاناداعى اۋانىڭ لاستانۋىنا  حىنان (ورتالىق قىتاي) پروۆينتسياسى سەبەپ بولۋى مۇمكىن دەپ بولجاۋدا.  وندا جەرگىلىكتى بيلىك شارۋالاردىڭ ەگىن جيناعان سوڭ ساباندى ورتەۋدىڭ جىل سايىن شامامەن 7,8 مىڭ وقيعاسىن تىركەيدى ەكەن.  

ق ح ر قورشاعان ورتانى قورعاۋ مينيسترلىگىنىڭ وكىلى بەيجىڭدەگى اۋانىڭ تۇتىنمەن لاستانۋىنا كولىكتەر مەن ەلەكتر ستانسالارى دا سەبەپ بولاتىنىن ەسكە سالدى. مەتەورولوگتاردىڭ بولجامىنشا، قىتاي استاناسىندا ءتۇتىن سەنبىگە دەيىن سەيىلمەيدى.