قازاق كينوسى تاريحىندا تۇڭعىش رەت مۇگەدەك جىگىت باستى ءرولدى سومدادى
فيلمدە اناسىنان ايىرلعان مۇگەدەك بالانىڭ تاعدىرى سۋرەتتەلگەن. باستى ءرولدى سومداعان 21 جاستاعى تاحير وماروۆ تۋعالى بەرى قول ارباعا تاڭىلعان.
ول «اردي» مۇگەدەك بالالاردىڭ اتا- انالارى قاۋىمداستىعىنىڭ ورتالىعىندا تاربيەلەنىپ كەلەدى. كينونىڭ سيۋجەتى تيمۋردىڭ شىنايى ءومىرىنىڭ جەلىسىندە ءوربيدى. درامادا سال اۋرۋىمەن اۋىراتىن مۇگەدەك جىگىتتىڭ ءومىر ءۇشىن كۇرەسىن كورۋگە بولادى.
«تاحير مۇمكىندىگى شەكتەۋلى بولسا دا، «اكتەر بولسام» دەپ ارمانداعان. ءبىز ونىڭ ارمانىن ورىنداۋعا تىرىستىق. ول - تالانتتى. تاحير شەكسپيردىڭ گاملەتىن وقىعان كەزدە، نەگە وسى بالانىڭ تاعدىرى تۋرالى فيلم تۇسىرمەسكە دەگەن وي كەلدى. سوسىن، سسەناري جازا كەلە فيلمگە وسى ورتالىقتا وقىپ جاتقان بالالاردىڭ بارلىعىن ءتۇسىرۋدى ءجون دەپ شەشتىك. تۋىندى الەۋمەتتىك ماسەلەلەردى قوزعايدى»، - دەدى رەجيسسەر م. مامىربەكوۆ.
«ۇزاقتىعى 60 مينۋتتىق قىسقا مەتراجدى فيلمنىڭ بيۋدجەتى - 10 مىڭ ا ق ش دوللارى. پرەمەرادان كەيىن كينو «ارمان» كينوتەاترىندا كورسەتىلەدى»، - دەدى «اردي» ورتالىعىنىڭ وكىلى ءاسيا احتانوۆا.
اۆتور: گۇلميرا عوسمانالي
